DAIŞê berpirsiya xwe di ber teqîna Bexdayê de ragihand

Navenda Nûçeyan (K24) – DAIŞê berpirsatiya teqîna şeva borî ya Bexdayê girte ser xwe û ragihand, xwekujekî xwe di nava komeke Şîeyan de teqandiye.

Jêderekî ji ewlekariya Bexdayê ji medyaya Iraqî re ragihand, di encama teqîna xwekujî ya bazara navçeya Sedir li Bexdayê de, 35 kes hatin kuştin û zêdetir ji 60 kesan jî birîndar bûn. Di nava kuştiyan de 12 zarok heye.

Piştî teqînê, Serokwezîrê Iraqê Mistefa Kazimî biryar da lêkolîn di teqînê de were kirin û lêpirsîn bi berpirsên navçeya Sedir re yên di erkên xwe de xemsar bûne, werin kirin.