Firokeyeke Tirkiyê otomobîlek li Qamişlo armanc kir

Navenda Nûçeyan (K24) – Firokeyeke bêfirokvan (drone) ya Tirkiyê otomobîlek li gundê Hîmo yê ser bi Qamişlo ve armanc kir.

Jêderekî ji bajarê Qamişlo ji K24ê re ragihand, firokeyeke bêfirokvan a Tirkiyê otomobîlek li gundê Hîmo yê di navbera Qamişlo û Amûdê de armanc kir. Lê ziyanên wê êrîşê nayin zanîn.

Ev di demekê de ye, her îro jî droneyeke artêşa Tirkiyê li gundê Sofyan yê li rojhilatê Kobanê otomobîlek armanc kir, bêyî ku ti ziyanên canî hebin.

Ev çend roj in artêşa Tirkiyê êrîşên asmanî li ser deverên di bin kontrola Hêzên Sûriyeya demokratîk (HSD) zêde kiriye. Li gor zanyariyan, di heyama 2 rojên borî de, ev êrîşa asmanî ya çarem e.