Mesrûr Barzanî pêşwazî li wezîrê dad ê Lubnanê kir
BasNews – Serokê hikûmeta Herêma Kurdistanê pêşwazî li wezîrê dad a Lubnanê kir û amaje bi rola giringiya desthilata dadweriyê li Herêma Kurdistanê kir, ku desthilatekî serbixwe ye.
Îro 24.01.2022yê serokê hikûmeta Herêma Kurdistanê Mesrûr Barzanî pêşwazî li dadwer û wezîrê dad a Lubnanê Hinrî Xûrî û şandeya li gel kir, ku pêkhatibû ji serokê encûmena dadweriya Lubnan û cîgirê emîndarê giştî yê Komkara Erebî.
Şandeya Lubnanê behsa giringiya pêşxistina pêwendiyên Herêma Kurdistan û Lubnanê di warên cuda de kir ku bi taybetî pêşxistina hemahengiya di warê desthilata dadwerî û sûd wergirtin li şarazayî û ezmûnên yektir kir.
Serokê Hikûmeta Herêma Kurdistanê li gel amaje bi rola giringiya desthilata dadweriyê li Herêma Kurdistanê, ku desthilatekî serbixwe ye û amadebûna hikûmeta Herêma Kurdistanê jî ji bo bihêz kirina alîkarî û hemahengiya li gel desthilata dadweriya Lubnanê nîşan da.
تُتاح هذه الصورة أيضا في: Kurdî
