Nêçîrvan Barzanî: Beşdarbûn û qurbanîdana karkerên di şoreş û avedankirina Kurdistanê de bilind dinirxînîm
BasNews– Serokê Herêma Kurdistanê Nêçîrvan Barzanî îro 1ê Gulanê Roja Cîhanî ya Karkeran de peyamek belav kir û beşdarbûn û qurbanîdana karkerên Kurdistanê di şoreşan de û rola wan ya berbiçav û keda wan a di prosesa binyatdanan û avedankirina Kurdistanê de bilind nirxand.
Peyama Serokê Herêma Kurdistanê Nêçîrvan Barzanî:
1ê Gulanê, Roja Cîhanî ya Karkeran, bi germî li karkerên Kurdistan, Iraq û cîhanê û sendîka û rêxistinên karkeran pîroz dikim. Beşdarbûn û qurbanîdana karkerên Kurdistanê di şoreşê da û rola wan ya berbiçav û keda wan ya di prosesa binyatdanan û avadankirina Kurdistanê da bilind dinirxînim û hêviya serkeftinê ji bo wan dixwazim.
Bi vê minasibetê, tevî nîşandana hemû piştevaniyê ji bo maf û daxwazên rewa yên karkeran, tekezî li ser pêwîstiya hebûna qanûnek modern ya kar ji bo parastina mafên karkeran û dabînkirina bingehek selamet, jîngehek minasib û bi dirustî rêkxistina demjimêrên kar û wekhevî di derfetên kar da dikin. Divê zêdetir girîngî bi jiyan û jiyara karkeran û malbatên wan bê dan û sendîka û rêxistinên karkeran ji bo mafên wan bi çalaktir bixebitin.
Em silav û rêzên xwe ji bo kesûkar û malbatên karkerên di dema kar da jiyana xwe ji dest dane dişînin û erkê aliyên peywendîdar e ku bi her awayî alîkarî û sexbêriya wan bikin.
Yekê Gulanê li hemûyan pîroz be û bêhnvedanek aram û bextewer ji bo karkeran dixwazim.
Nêçîrvan Barzanî
Serokê Herêma Kurdistanê
01.05.2022
CH
تُتاح هذه الصورة أيضا في: Kurdî