Li Şingalê dronekê otomobîlek kir armanc
(Rûdaw) – Firokeyeke bê firokevan li Şingalê otomobîlek kir armanc û li gor agahiyan berpirsekî YBŞê ku rêveberekî Asayîşa Êzîdxanê ye, hatiye kuştin.
Li gor agahiyan, îro Çarşemê di demjimêr 12:00 de li navenda qezaya Şingalê êrîşeke bi dron pêk hatiye û otomobîlek hatiye armanckirin.
Medyaya nêzîkî PKKê ragihandiye, êrîş ji aliyê droneke Tirkiyê ve hatiye kirin û di êrîşê de “otomobîlek Asayîşa Êzîdxanê” hatiye hedefgirtin.
Dije Terora Kurdistanê jî ragihandiye, droneke Tirkiyê otomobîla berpirsekî emnî yê Yekîneyên Berxwedana Şingalê (YBŞ) kiriye armanc.
Li gor daxuyaniya Dije Terora Kurdistanê, berpirsekî YBŞê û pasevanê wî di êrîşê de hatine kuştin.
Asayişa Êzîdxanê daxuyanî da
Li aliyekî din, têkildarî êrîşa îro Asayîşa Êzîdxanê daxuyaniyek belav kiriye û tê de ragihandiye, êrîş di 11:30 de li navenda Şingalê û li dijî wesayîteke Asayîşa Êzîdxanê bûye.
Di daxuyaniyê de hatiye gotin, êrîş ji aliyê Tirkiyê ve hatiye kirin û berpirsekî wan ê Rêveberiya Asayîşa Êzidxanê Şêrzad Şemo Qasim hatiye kuştin.
CH
تُتاح هذه الصورة أيضا في: Kurdî