Serok Barzanî li gel fraksiyona PDKê ya li Parlamentoya Kurdistanê civiya
BasNews – Îro 08.07.2023yê li Selahedîn Serok Mesûr Barzanî li gel fraksiyona PDKê ya li Parlamentoya Kurdistanê civiya.
Di civînê de Serok Barzanî gotarek pêşkeşî amadebûyan kir û spasiya rol û westandina endamên fraksiyona PDKê kir û destxweşî li wan kir, ku di vê dema Parlamentoya Kurdistanê de karên xwe bi başî gehandine cîh û pêbendî erkê xwe bûne. Herwaha daxwaz kir berdewamiya rola xwe ya di warên cuda cuda bikin û xizmeta Kurdistan û PDKê bikin.
Serok Barzanî diyar kir, PDK hêviya serekî ya xelkê Kurdistanê ye û pêwîste PDK parêzerê berjwendiya xelkê Kurdistanê, çand û exlaqê bilind ê civaka Kurdistanê be.
Di berdewamiya axaftina xwe de Serok Barzanî, derbarê rewşa siyasî ya Kurdistan û navçeyê û pêwendiyên di navbera Herêma Kurdistan û Hikûmeta Federal a Iraqê û girêdayî wan mijaran berçavronî û şîretên pêwîst kir û rênmayî dan beşdarvanan.
SA
تُتاح هذه الصورة أيضا في: Kurdî