Parlamenter Şêrwan Duberdanî: Ti xaleke rêkeftina Hewlêr û Bexdayê cîhbicîh nebûye
Parlamenterê Fraksiyona Partiya Demokrat a Kurdistanê (PDK) li Parlamentoya Iraqê Şêrwan Duberdanî ragihand, heta niha ti xalek rêkeftina di navbera Hewlêr û Bexdayê de nehatiye cîbicîkirin, Bexda jî naxwaze pirsgirêkan çareser bike.
Şêrwan Duberdanî ji K24ê re got: “Ew kesên ku li Kerkûkê li dijî radestkirina baregehên PDK’ê daketine kolanan, endamên hin partiyên siyasî û hêzên ewlekariyê ne, bi cilûbergên sivîl derketine kolanan. Ev jî tê wê wateyê ku hin aliyên siyasî li dijî vegera PDKê bo Kerkûkê ne.”
Herwiha got: “PDKê her dem li gel xelkê Kerkûkê bûye, hêvîdar im di demek nêzîk de em vegerin Kerkûkê û zêdetir xizmeta xelkê Kerkûkê bikin.”
Derbarê madeya 140 de jî got: “Ji bo cîbicîkirina madeya 140’ê, Komîteya Cibicîkirina Madeyê çendîn civîn kirin û çendîn biryar dan, yek ji wan biryaran jî qerebûkirina welatiyan e, ku ev çend sal in hatiye rawestandin, lê pêwîst e aliyên siyasî yên Kurdistanê zêdetir bişopînin û çavdêriyê bikin.”
CH
تُتاح هذه الصورة أيضا في: Kurdî
