Barzanî: Em hewl didin êzidî bi xwe qedera xwe diyar bikin
Çavkanî :Rudaw
Serokê Herêma Kurdistanê Mesûd Barzanî û Balyozê Amerîka yê li Bexdayê Douglas Silliman derbarê qonaxa piştî kontrolkirina Mûsilê û pêşeroja siyasî û ewlehiya vî bajarî de gotûbêj kirin.
Serokatiya Herêma Kurdistanê îro yekşemî 13ê Mijdara 2016 di dauxyaniyeke nivîskî de ragihand, ku Serokê Herêma Kurdistanê Mesûd Barzanî îro li bajarokê Pîrmam ê girêdayî Hewlêrê pêşwazî li Balyozê Amerîka yê li Bexdayê Douglas Silliman û şandeya pê re kir.
Di hevdîtinê de, Barzanî û Douglas “derbarê qonaxa piştî rizagrkirina Mûsilê, guhertin û pêşhatên siyasî û ewlehiyên deverê û pêwendiyên navbera Hewlêr û Bexdayê de” gotûbêj kirin.
Li gorî daxuyanyê, Douglas pîrozbayiya serkevtinên Hêza Pêşmerge di operasyona Mûsilê de li Barzanî kir û pêzanîna welatê xwe jî li hember hemahengî û karê hevbeş ê navbera Pêşmerge û Artêşa Iraqê ragihand. Herwiha hêvî kir, ku ew yek di warê asayişa deverê de, bibe zemîneyek bo çêkirina pêwendiyeke stratejîk ê navbera her du aliyan.
Barzanî jî di hevdîtinê de behsa wê kiriye, ku hemehengî di navbera Pêşmerge û Artêşa Iraqê de bûye sedema serkevtin û destkevtên baş.
Di beşeke din a daxuyaniya Serokatiya Herêma Kurdistanê de hatiye, ku Barzanî di hevdîtinê de ragihand: “Her ji şoreşa Îlonê ve kar bo wê yekê hat kirin, ku êzidî beşdarî xebata siyasî ya gelê xwe bin û rê ji çewandina wan were girtin.”
Serokê Herêma Kurdistanê herwiha ji şandeya Amerîkayê re gotiye: “Heta niha jî hewla me ev e ku êzidî bikarin bi xwe xwediyê çarenivîsa (qedera) xwe bin û Herêma Kurdistanê û Pêşmerge alîkariay êzidiyan didin, da ku berevaniyê li xwe bikin.”
تُتاح هذه الصورة أيضا في: Kurdî