BasNews amarên herî dawî yên rizgarkirina revandiyên êzdî aşkera dike
Rêveberê buroya karûbarên revandiyan li Duhokê diyar kir, amarê herî dawî yên rizgarkirina revandiyên êzdî, heta îro 18.11.2016ê bi rêya buroya karûbarên revandiyên êzdî ve 2782 kes hatine rizgar kirin û ji wan 327 jê zilamin û 1009 keç û jin in û 719 kes jî zarokê keç in, 727 zarok jî kur in û herwaha 3639 kesên revandî jî hîn di destê rêxistina terorîst a DAIŞê de mane.
Rêveberê buroya karûbarên revandiyan li Duhokê Hesen Qaêdî ji BasNewsê re ragehand: ‘’Bi alîkariya hêzên Pêşmergeyên Kurdistanê û saziyên herêma Kurdistanê yên din ve û herwaha bi piştevaniya rasterast a serokê hikûmeta herêma Kurdistanê ve, em berdewamin bo rizgarkirina hemû revandiyan, tu cîhek an jî aliyek revandiyên êzdî rizgar nake, tenê bi rêya buroya karûbarên revandiyan a ser bi buroya serokê hikûmeta herêma Kurdistanê ve revandî tên rizgarkirin. Pêwîste xelkê me baş bizane hin kes an aliyên ku hebin propagandayê bikin û bibêjin em dikarin xelas bikin, ev yek tenê ji bo komkirina pare ye ji xelkê û ne ti tiştekî din e.’’
Li karesata Şingalê ya 03.08.2014ê rêxistina terorîst a DAIŞê bêhtir ji 7000 hemwelatiyên êzdî revandin û kuştin. Heta naha çarenivîsa bêhtir ji 3000 revandiyan ne diyar e.
تُتاح هذه الصورة أيضا في: Kurdî