Qaymeqamê Şingalê: Çekdarên PKKê li keçeka êzîdî dan!
Çavkanî :Waar Media
Qaymeqamê bajarê Şingalê yê Kurdistana Başûr ragihand, çekdarên PKKê yên li devera Şingalê li keçeka êzîdî dane û xwastine wê bibin Qendîlê.
Qaymeqamê Şingalê Mehma Xelîl ji malpera fermî ya PDKê re gotiye, şeva borî çekdarên PKKê li keçeka êzîdî dane û xwastine wê bibin Qendîlê lê keçik neçûye.
Mehma Xelîl her wiha gotiye, ev cara yekem nîne hêzên PKK kêşe ji xekê Şingalê re çêdikin. Heta ew ji Şingalê dernekevin xelkê Şingalê asûde nabin. Ew bûne asteng li pêşiya nûavakirina Şingalê jî.
Qaymeqamê Şingalê aniye ziman ku PKK dixwaze Şingalê bike qendîla duyemîn û gotiye, eger PKK tiştekî wisa bike yek ji naxwaze di bin wê desthiltê de bimîne.
Heta niha gelek caran xelk û rayedarên Şingal û Herêma Kurdistanê daxwaz ji PKKê kirine hêzên xwe ji devera Şingalê derxînin lê PKK heta niha guh nedaye wan daxwaziyan.
تُتاح هذه الصورة أيضا في: Kurdî