Çavdêrekî siyasî: PKK bo berjewendiyên xwe ji çiyayê Şingalê dernakeve
BasNews – Çavdêrekî siyasî dibêje, çiyayê Şingalê cihekî stratejîk e û PKKê baregehên xwe li wir ava kiriye û nahêle artêşa Iraqê derbasî wir bibe.
Çavdêrê siyasî Hesen Miçî ji BasNewsê re got, PKK nahêle artêşa Iraqê derbasî çiyayê Şingalê bibe. PKKê ew der xistiye bin kontrola xwe û baregehên xwe li wir daniye û hêzên xwe li wir bicîh kiriye.
Hesen Miçî her wiha got, çiyayê Şingalê cihekî stratejîk e û bo kontrola tevahiya wê deverê jî girîng e, ji ber wê jî PKK naxwaze ji wir derkeve û nahêle artêşa Iraqê jî derbasî wir bibe.
Îro danê sibê dema hêzên artêşa Iraqê dixwastin derbasî gundên Gir Uzêr û Sîba Şêx Xidir li başûrê çiyayê Şingalê bibin, rastî hêzên PKKê hatin ji ber wê jî şer û alozî derket.
تُتاح هذه الصورة أيضا في: Kurdî