Kemal Tolan: Hevpeyvîna li ser nasîna kesayetî, zanîn û berhemên birayê Pir Xelat Elias BEŞ I
Hevpeyvîna li ser nasîna kesayetî, zanîn û berhemên birayê Pir Xelat Elias û
zanînên li ser hinek nav, cîh û warên Êzdîxana Serhedê !
Kemal Tolan : Rêzdar Pîr Xelat Elias, tû dikarî ji kerema xwe, di destpêkê de bibêjî,
ka tû kengî hatî dinya yê, ji kîjan binemala Pîrê Êzdîtiyê yî , tû ji kengî ve hatî
Lalişê û çi xilmetê di nav Lalişa Nûranî de dikî ?
-Pîr Xelat, micêwrê zîyareta Memê Şivan, mamoste, rewşenbîr û ilimdarê
Êzdîtîyê.
Pêşî de ez xweşhal bûm ku, te jî weke camêr, nivîskar û xizmetkarî Êzdî
pêwendî li gel me kir.
Ez Pîr Xelat Cafo me. Di sala 1974 ê de li gundê Mamûda yê baskê Şêxa, ku
dirêjîya 16-17 km dûrî Lalişê ye hatime ser dinya yê.
Bab û bapîrê min, ji binemala Pîrê Memê Şivan in. Em li Lalişê micêwrê
Sitûna Mirazan û Quba Memê Şivan in. Min medrese xwandîye.
Gava Bavê min di sala 1996 de bi nexweşîya Şelal(felc)ê ket, ez mecbûr bum
destê xwe bavêjime karî û destûr da min ez micêwrîyê bikim. Bavê min di
sala 2001 de çû ber rahma Xwedê, Xwedê wî , li gel mirîyên xwandevan bi
rahmîne.
Kemal Tolan : Rahma Xwedê lê be û rihê wî şad be!
2
-Rêzdar Pîr Xelat, li mirîyê te be jî.
Ez ji wê demê, heta niha mecbûr bum micêwirîtîyê , xêr û xilmeta di nav
Lalişê de dikim. Dinya wisa ye, ku tû li gel dinyayê pêşnekevî, dinyayê ji te
bibuhirit. Me fer dît xwandinê û mitala îş jî betal nekin.
Dema gera Tawisȇ di sala 1996 de hate gundȇ me , min hingȇ ji rahmetîyȇ
Feqîr Hecî Șemo daxwazkir, ku ez ahlaq, ilim ȗ edebȇ dînȇ Ȇzdîyatîyȇ jȇ
bipirsim. Min gelekî ji zanîna wî mamostȇ xwe feydakir ȗ bi saya Xwedȇ
hetana nihojî berdewam dikim.
Esasê dinya jî ilm e. Tiştek ji ilmî pêşkeftî û zengîntirîn nîne.
Sebeqeyek ji “Qewlȇ qere dingizê sor “ dibȇjit ,
“bi bexșe be,
li dîwana bi gulȇ geș be
ȗ bi zimanȇ xwe yî bi nexș be .”
Mirovȇ Ȇzîdî ȗ Ȇzîdîyatî bi bexș e.
Ez li ser karȇ xwe berdewam im ȗ her wisa min ҁar pirtȗk jî li ser Ȇzîdîyatîyȇ
nivîsandine.
Kemal Tolan : Dest xweș Pîrȇ min ȗ Xwedȇ qiwetȇ bide te !
Hȇvîdar im naveroka wan berhemȇn te , bi kurmancîya tîpȇn latînî
bȇnewergerandin, bigihîjine ber destȇn me ȗ em jî ji wan fȇdebikin. Em wan ji bo
nasîn ȗ pȇșxistina Ȇzdîyatîyȇ bidine naskirin.
Pîr Xelat, micêwrê zîyareta Memê Şivan, mamoste, rewşenbîr û ilimdarê
Êzdîtîyê.- Sax bî, Xwedȇ ji te razî be!
Kitȇba min e ewil, “Ji Pîrozîyȇn Ȇzîdîyan *Wêne 1” dȗ qolî bȗ.
Ez ȗ mirîdekî min mamoste Zuhȇr Ereb Silo heșt salan bi vȇ kitȇbȇ va
mijȗlbȗn.
Gelek babȇtȇn pîroz yȇn wekî;
Xwedȇnasîn ҁawa di dinyayȇ de peyda bȗye ȗ Ȇzîdiyan ҁawa Xwedȇ nasî ye.
Pîrozîya rojȇ, heyvȇ, Lalișȇ, Pira Salatȇ, Kanîya Spî, Marȇ Reș, Dara Zergȗzȇ,
Sȗka Marîfetȇ ȗ hwd.tȇ de cîh dane.
Piștî me ya yekemîn xilazkirî, ȇdî me dest avîte pirtȗka dȗyȇ”Semaya dînî di
Ȇzîdîyatî yȇ da –*Wêne 2“.
3
Em pȇnҁ salan bi vȇ pirtȗkȇ va jî mijȗlbȗn ȗ me da ҁapkirin.
Dȗra mamoste Zuhȇr Ereb Silo ҁȗ Almaniya ȗ ez bi tenȇ li vȇderȇ mam.
Ez ҁȗm beșdarî meȗsûhe(Ansîklopedîya) bajarȇ Duhok ȇ, ya ku 112
katîp/nivîskar tȇde beșdarî kirin bȗm. Vȇca xebata gundȇn me Ȇzîdîyan
ketine para min. Min rabȗ coxrafîyet, edebîyet, nav, nîșan, raman ȗ mȇjȗya
hemȗ gundȇn Ȇzîdîyan kire kitȇbek. Ew jî bi navȇ “Baskȇ Șȇxan- tîrȇjeke geș
li ser gundȇn Ȇzîdîyan- *wêne 3”
Di sala 2020 de jî, hinek serhatîyȇn Ȇzîdîyan weke “Pirtȗka Mîr Mehmûd
babê Nasir Begȇ-*wêne 4 ” hate parvekirin.
Heqîqet, hîna dȗ sȇ kitȇbȇn din jî li ber destȇn min hene , ez bi wan ve
mijȗlȇm…
berdewamî li beșa dwem were weșandin
تُتاح هذه الصورة أيضا في: Kurdî