Hemû cîhanê bi coş çeverêyî azadkirina Şingalê kir

Waar –Duhok:

Di dîdarekê da li gel serokê herêma Kurdistanê nûnerê taybetê sekretêrê giştî yê rêxistina neteweyên ykgirtî; da zanîn; ya pêdvîye li ser welatên cîhanê ji bilî alîkarîyên mirovî,ji rûyê aborî jî ve; alîkarîya Kurdistana Îraqê bikin, daku bikaribe serkeftinê bi ser pirsên xwe da bîne û terorîstan bişkînin.

Mesûd Barzanî, serokê herêma Kurdistanê pêşwazî li “Can Kobîs” nûnerê taybetê sekretêrê giştî yê rêxistina neteweyên yekgirtî û şandê li gel da kir; nûnerê neteweyên yekgirtî dîyar kir; hemî cîhanê bi coş çaverêyî azadkirina Şingalê dikir û ew yek bi şîyanên pêşmerge; hate bichînan.

Aşkere jî kir; rêxistina neteweyên yekgirtî dixwaze seqamgîrî di deverê û herêma kurdistanê û Îraqê da berbelav bibe û bi dilnerehetî temaşeyî pêşhat û guhrînên alozbûna milmilaneya taîfî û berfirehbûna tundrewîyê li deverêda dike.

Can Kobîsî, xwuya jî kir; ya pêdvîye li ser welatên cîhanê ji bilî alîkarîyên mirovî, ji rûyê aborî jî ve alîkarîya Kurdistana Îraqê bikin, daku bişên serkeftinê bi ser kêşeyên xwe da bîne û terorîstan bişkînin.

Ji alîyê xwe ve Mesûd Barzanî serokê herêma Kurdistanê hûrkatîyên şerê azadkirina Şingalê bo şanda mêhvan behskirin û ew serkeftin bi serkeftineka mezin bo gelê Kurd binavkir û ragîhand; gelê Kurdistanê xudan dozeka rewaye û bi çi awayekî nebûye; û nabe beşekê milmilanîya taîfî; û rê naden jî; Kurdistan bibe meydana yek alîkirina hevrikîyên olî.

Barzanî amaje bi wê yekê jî kir; herêma Kurdistanê pêşwazîyê li her alîkarîyekê zêdebarî şerkirinê li dijî gruba terorîstî ya Daişê dike, û ew supasdarên wan welatane yên alîkarîyan bo herêmê dihinêrin; û rolê wan li ber çav hatine wergirtin.

تُتاح هذه الصورة أيضا في: Kurdî