Çekdarên jin ên DAIŞê 130 xort û zarok kuştin!

Çavkanî :Basnews

Parlamentoya Iraqê ragihand, çekdarên jin ên DAIŞê li nav Mûsilê de 130 xort û zarok kuştine û cenazeyên wan jî bi stûnên elektrîkê ve daliqandine.

Serokê Lêjneya Mafên Mirov li parlamentoya Iraqê, Ebdulrehîm Şemerî îro di civîneke rojnamevaniyê de ragihand, çekdarên jin ên DAIŞê 130 xort û zarok li bajarê Mûsilê dane ber guleyan û paşê cenazyên wan bi stûnên elektrîkê ve daliqandine.

Serokê Lêjneya Mafên Mirov bang li hikûmet û artêşa Iraqê kir, di azadkirina deverên di destê DAIŞê de lezê bikin û wan deveran zû rizgar bikin.

Wî parlamenterê Iraqî her wiha got, rewşa xelkê Mûsilê pir xirab û şepirze ye û DAIŞ jî li ser kuştin û komkujiya xelkê berdewam e.