Barzanî û Hekîm bersiva Malikî dan
Çavkanî :Basnews
Serokê Herêma Kurdistanê û serokê hevpeymanaya niştimaniya şîeyan bersiva serokê Îtîlafa dewleta yasa dan.
Duh 26.10.2016ê serokwezîrê berê yê Iraqê û serokê îtîlafa dewleta Yasa Nûrî Malikî bi tundî êrîş kire ser Herêma Kurdistanê û serokê Herêma Kurdistanê Mesûd Barzanî û daxwaza vekişîna Pêşmerge bo sînorên berî hilweşandina rejîma Baas a Seddam Husên a 2003ê yê kir.
Herwaha Nûrî Malikî ragehandibû, ku Herêma Kurdistanê, artêşa Iraqê bi şerê dijî DAIŞê ve mijûl dike, ku navçeyên bin desthilatiya xwe ya li Mûsilê û Kerkûkê berfireh bike.
Serokê Herêma Kurdistanê Mesûd Barzanî di civîna çapemeniyê ya hevbeş li gel serokê hevpeymaniya niştimaniya şîe Emar Hekîm de pêkanî de diyar kir; ‘’Nûrî Malikî kesekî hesûd pênase kir û ragehand, hatina Emar Hekîm bo çeperên Pêşmerge, belgeye ku divê ew nêrîn bêne red kirin.’’
Emar Hekîm jî civîna çapemeniyê de ragehand: ‘’Hêzên Pêşmerge û hêzên Iraqê bi hemahengî şer li dijî rêxistina tund a DAIŞê dikin û rêveberên siyasî yên Bexda û Hewlêrê jî di navbera wan de hemahengiyekî berdewam heye.’’
Emar Hekîm bi awayekî rasterast bersiva Nûrî Malikî da û ragehand: ‘’Pêwîste pirgirêk bên çareser kirin û di vê demê de pirsgirêk di asta xwe de bên hiştin û neyên mezin kirin.’’
تُتاح هذه الصورة أيضا في: Kurdî