Barzanî: Pêşmerge serkeftinên mezin tomar kirîye
Çavkanî :Waar Media
Serokê herêma Kurdistanê ragehand; di şerê dijî terorê da, serkevtinên mezin li ser destê hêzên pêşmerge hatine tomar kirin.
Li gorî malperê fermî yê serokayetîya herêma Kurdistanê, îro li Pîrmam, Mesûd Barzanî serokê herêmê, pêşwazî li patrîyak Gorgîsê sêyê, patrîyakê kenîseya rojhelata aşurî li cîhanê û Îraqê û şandeka digel da kir û di kombûna herdu alîyan da, şanda aşurî, spasîya Barzanî û hêzên pêşmerge kir ku pêkhateyên olî û neteweyî parastîne û deverên wan rizgarkirine û pesna peyam û sîyasetên Barzanî, li hember xirîstîyanên Kurdistanê û Îraqê kir.
Dîsan şanda aşurî, hewlên hikûmet û gelê Kurdistanê, di alîkarîkirin û hewandin û dabînkirina pêdvîyên jîyanê da bo awareyan bilind hilsengandin û ragihandin ku ev dê bibe handereka bihêz ku hemû Xirîstîyan carek din vegerin cihên xwe û li Kurdistanê berdewamîyê bi jîyana xwe bidin.
Ji alîyê xwe ve serokê herêma Kurdistanê, basê rewşa şerî û hemahengîya di navbera pêşmerge û supayê Îraqê da kir û ragehand; di şerê dijî terorê da, serkevtinên mezin li ser destê hêzên pêşmerge hatine tomar kirin.
Da zanîn jî ku terorîstên Daişê, kavilkarî û wêrankarîyeka mezin li dûv xwe hêlaye û pêdvîye ew dever hemû careka din bên avakirin, bo vê yekê jî, hewlên rijda civaka Navdewletî pêdvîye.
تُتاح هذه الصورة أيضا في: Kurdî