Serok Barzanî derheqê şewitandina alaya Kurdistanê de peyamek belav kir

Çavkanî :BasNews

Serokê Herêma Kurdistanê Mesûd Barzanî derheqê şewitandina alaya Kurdistanê de li bajarê Amûdê yê Kurdistana Rojava peyamek belav kir.

Duh li bajarê Amûdê yê Kurdistana Rojava, alîgir û hêzên asayişa PYDê êrişî ofîsa partiyên endamên ENKSê kiribûn, li endam û alîgirên wan partiyan dabûn û alaya Kurdistanê şewitandibûn.

Derheqê wê bûyerê de, Serok Barzanî di daxuyaniyekê de şewitandina alaya Kurdistanê şermezar kir.

Peyama Barzanî wiha ye:

“Bi navê Xwedayê Mezin û Dilovan,

Ez spasiya xelkê xweragir ê bajarê Amûdê dikim ku parêzvanên resent û nîştimanperweî û nirxên bilind ên gelê Kurdistanê ne. Ez we pîroz dikim ku bi bêhinfirehî û berxwedanê alaya Kurdistanê diparêzin. Alaya Kurdistanê alaya xwîna şehîdan û sembola pêkvejiyan û aştîxwaziyê ye. Ez we arxalîn dikim ku rêça niştimanperwerî û rûhê kurdinî û resentiyê dê bi ser keve û rûreşî jî dê bo wan bimîne yên alaya Kurdistanê dişewitînin û xort û gencên kurd îşkence dikin. Lê ew dê her baca wan tawanên xwe bidin.”