Forma aborî ya Herêma Kurdistan û Tirkiyê li Hewlêrê destpê kir

BasNews – Îro 26.09.2021ê bi beşdariya Serokê Hikûmeta Herêma Kurdistanê Mesrûr Barzanî û Wezîrê Bazirganiya Tirkiyê Mehmet Muş ve forma bazirganî ya Hewlêr û Enqerî destpê kir.

Duh êvari Wezîrê Bazirganiya Tirkiyê bi rêya balefirgeha navnetewî ya Hewlêrê ve geheşt Herêma Kurdistanê û îro hevdîtinekî taybet li gel serokê hikûmeta Herêma Kurdistanê Mesrûr Barzanî û heman demê de li gel Serokê Herêma Kurdistanê Nêçîrvan Barzanî hevdîtin pêkanî û naha jî bi beşdariya şandeyekî Tirkiyê û bazirganên Herêma Kurdistan û Tirkiyê ve forma aborî destpê kir.

Naveroka vê formê taybete bi guftûgoyên bazirganî û aborî yên di navbera herêma Kurdistanê, Tirkiyê û Iraqê. Armanc pêşxistina sektora aborî û hilberîna di navbera Tirkiyê û herêma Kurdistanê ye.