Mesrûr Barzanî: Hikûmeta Kurdistanê bo dabînkirina zemîneka baş ku jin tê de parastî bin û pêş bikevin, dixebite
Îro, 25 Mijdarê roja cîhanî ya nehîştina tundiyê li dijî jinan e.
Serokwezîr Mesrûr Barzanî bi vê helkeftê peyamek belav kir. Peyama wî wiha ye:
Di roja cîhanî ya nehîştina tundiyê li dijî jinan û destpêkirina kempêna 16 roje ya nehîştina tundiyê li dijî jinan, em pabendbûna hikûmeta Kurdistanê bi berdewamiya piştevanîkirina mafên jinan û nehîştine her cure cudahiya regezî û nehîştina tundiyê bi taybet tundiya li dijî jinan dupat dikin.
Hikûmeta Kurdistanê bo dabînkirina zemîneka baş ku jin tê de parastî bin û pêş bikevin, dixebite. Hikûmeta Kurdistanê pabend e bi parastin û berevanîkirin li mafên jinan û bihêzkirina pêgeha wan li nav hikûmet û civakê û pêşxistina çanda rêgirtina li pîvanên mafên mirov û wekhevî û dadperweriya civakî û nehîştina tundiyê û hemû cudakariyek li ser bingeha regez. Ji ber wê jî ez daxwaz ji hemû aliyên pêwendîdar bi taybet dezgehên perwerdehiyê yên hikûmet û derveyî hikûmetê, saziyên civaka sivîl, saziyên ayînî û dezgehên medyayî dikim ku alîkar û hevkarê hikûmetê bin û rola xwe ya girîng di pêşxistina çanda lêborîn û hişyariya civakî û nehîştina tundiyê û diyardekyên kirtê yên civakî bilîzin ji ber ku rûbirûbûn û nehîştina tundiyê, erka hemû civakê ye û divê em hemû bo nehîştina vê diyardeya xirab kar bikin.
Ez hêvîdar im Herêma Kurdistanê bi alîkariya her kesî bibe mînakeka geş ya parastina mafên mirov bi taybet nehîştina her cure tundiyê bi taybet tundiya li dijî jinan û ser esasê regez.
Mesûr Barzanî
Serokê hikûmeta Kurdistanê
تُتاح هذه الصورة أيضا في: Kurdî
