Ermeniyên Duhokê ji bo mexdûrên lehiya Hewlêrê alîkariyê kom dikin
BasNews– Ermeniyên şêniyên Duhokê ji bo mexdûrên lehiya Duhokê dest bi komkirina alîkariyê kirine û beşdarî kempênên alîkariyê yên ji bo mexdûrên lehiya Hewlêrê dibin.
Şeva 17.12.2021ê ji ber barîna barana zêde li çend herêmên Hewlêrê lehî çêbû û di encamê de 12 mirin û zirareke zêde ya maddî pêk hat. Piştî rûdana lehiyê li gelek bajar û navçeyên Herêma Kurdistanê ji bo mexdûrên lehiya Hewlêrê kempênên alîkarî û hevkariyê tên ragihandin.
Ermeniyên Duhokê jî beşdarî kempênên alîkariyê yên lehiya Hewlêrê dibin.
Di vê derbarê de Serokê Lîjneya Keniseya Ermeniyên Duhokê Îrwanêt Emînyan ji BasNewsê re axivî û got: “Em weke ermenên parêzgeha Duhokê, xwe bi xelkê Herêma Kurdistanê dizan in û di her nexweşiyeke tê serê Kurdistanê, nexweşiya xwe jî dizanin, ew rûdana lehiyê ku li Hewlêrê durist bû û ziyaneke zêde çêbû, em bi wê karesatê gelekî xemgîn in, herçend rûdaneke siruştî ye û li seranserê cîhanê rûdanên siruştî rûdidin.’’
Herwiha Îrwanêt Emînyan got: “Weke ermeniyên parêzgeha Duhokê em jî beşdarî kempêna alîkariya lehiya Hewlêrê dibin û bi rêya kempêna parêzgeha Duhokê em ê jî alîkarî û hevkariya xwe bişînin ji mexdûrên lehiya Hewlêrê. Me îro mîqdarek pare radestî lîjneya parêzgeha Duhokê kir ji bo bişînin ji mexdûrên lehiya Hewlêrê û me ew pere jî sindoqa Kenîseya Ermeniyan derxistiye û ermeniyên Duhokê jî beşdarî kempêna alîkariyê dibin.’’
Di berdewamiyê jî de Îrwanêt Emînyan got: ‘’ Weke pêkhateya ermen li parêzgeha Duhokê, em bi temamî di xweşî û nexweşiyên Herêma Kurdistanê de beşdar in, çunke em beşek in li nava xak û niştman û em hîç ciyawazîyekê di nava xwe xelkê din ê Herêma Kurdistanê de nabînin.’
تُتاح هذه الصورة أيضا في: Kurdî