Serok Barzanî peyamekî pîrozbahiyê belav kir
BasNews – Serok Mesûd Barzanî bi boneya 23.mîn salvegera damezrandina Kurdistan tv peyameke pîrozbayî pêşkêş kir.
Îro bi minasebeta 23.mîn salvegera damezrandina Kurdistan tv Serok Barzanî peyameke pîrozbayî pêşkêş kir û peyam waha ye;
Bi navê xwedêyê mezin û dilovan
Birêzan birêveber, stafa birêveberatî û karmendên Kurdistan tv
Bi minasebeta 23mîn salvegera damezrandina Kurdistan tv pîrozbahiyên xwe pêşkêşî we yên hêja dikim û hêviya berdewamî û pêşkeftina zêdetir bo we dixwazim.
Kanala esmaniya Kurdistan tv weke yekem kanala esmanî ya Kurdistanê, her di destpêka damezrandina xwe de heta îro pêbendî erkê netewî û nîştimanî bûye û bo gehandina peyama aştîxwazane û bihevre jiyanê bi derdorê serkeftî bûye û di heman demê de jî kariye rastbêjî û pîşeyî bûna xwe biparêze.
Pêwîste Kurdistan tv û Zagros tvê di çarçoveya dezgeha setelayta Kurdistanê de berdewam bin li ser gehandina peyama rewa ya gelê Kurd bi cîhanê û berfiretir kirina hişmendiya nîştimanî û çanda bihevre jiyanê di nava xelkê de.
Herwiha lazime dezgeha setelayta Kurdistan xwe li gel guhertinên bilez yên medyayî biguncîne û weke hertim pêbendî buha û armancên bilind yên gelê Kurdistanê be.
Destxweşiyê li we dikim û hêviya serkeftinê bo we dixwazim.
Mesûd Barzanî
تُتاح هذه الصورة أيضا في: Kurdî