HESEKÊ – Xwîna zarokan tevlî ya dê û bavan bûye
Di êrîşa xwekujî ya duh bi şev a Hesekê de 34 kes şehîd bûn û nêzîkî 100 kesên din jî birîndar bûn. Welatî dibêjin ev ne cara yekem e ku xwîna zarokan tevlî ya dê û bavan dibe.
Duh (03-10-2016) demjimêr 9ê şevê , li hola Senabîl a ser rêya Hesekê û Qamişloyê, di dema şahîya malbata Fatmêyê de, çekdarekî DAIŞê êrîşeke xwekujî pêk anî.
Piraniya şehîd û birîndaran ji malbata Fatmayê ne, di nav şehîd û birîndaran de hejmareke jin û zarok jî hene.
Welatiyekî Hesekê bi çavekî tije hêsir, kelogerî bûye daxwaza başbûna rewşa birîndaran dike û dibêje;
“Xwînmij jî bi van karan nakin, xwedê mala wan xerab bike ku piştevaniya wan dikin.”
Nexweşaxneyên Cezîra Rojavayê Kurdistanê deriyê xwe li ber birîndaran vekirin. Lê ji ber şer û rewşa giştî yê Sûriyê, hejmarek birîndar nehatine çareserkirin.
Doktorek dibêje çi ji dest wan tê ew ji birîndaran re dikin.
Ji aliyê din ve 4 birîndarên teqîna Hesekê gihiştine parêzgeha Duhokê yê Başûrê Kurdistanê. Lê zarokekî birîndar şehîd bû.
Rêveberiya Tendrustiya parêzgeha Duhokê ragihand, piştî ku birîndar gihiştine Duhokê wan bilez dest bi dermankirina wan kiriye.
Rêveberiya Herêma Kurdistanê ji aliyê xwe ve 5 ton derman şande Rojavayê Kurdistanê
تُتاح هذه الصورة أيضا في: Kurdî