Li seranserê Başûrê Kurdistanê Roja Ala Kurdistanê tê pîrozkirin
Hewlêr (Rûdaw) – Îro Duşembî 17ê Kanûna 2018 roja Ala Kurdistanê ye û li Başûrê Kurdistanê bi vê helkevtê çendîn çalakî û merasîm tên lidarxistin. Her bi helkevta vê roja netewî û niştimanî, Ala Kurdistanê li ser tevahiya fermangeh û saziyên hikûmetê û xwandingeh, zanîngeh û çend cihên din li seranserê Başûrê Kurdistanê tê bilindkirin.
Roja 17ê Kanûna hemû salekê roja Ala Kurdistanê ye û li Başûrê Kurdistanê bi vê helkevtê bi dehan çalakî tên sazkirin.
Revenda Kurdî (Diyasporaya Kurdî) li seranserê cîhanê û bi taybet li bajarên mezin ên cîhanê bi boneya Roja Ala Kurdistanê, çalakiyan saz dikin û vê helkevtê pîroz dikin.
تُتاح هذه الصورة أيضا في: Kurdî