Qamişlo- Şerê li nava kolanan dest pê kiriye

BasNews– Li taxa Tey a bajarê Qamişlo yê Rojavayê Kurdistanê şer îşev jî berdewam e.

Malpera Kurdistan24ê ragihandiye şerê di navbera hêzên Asayîşa Rêveberiya Xweser û hêzên Berevaniya Niştimanî ya ser bi hikûmeta Sûriyê îşev jî didome.

Herwiha heta niha di encama şer û pevçûnan de du welatiyên sivîl jiyana xwe ji dest dane û hejmarek birîndarên sivîl jî hene.

Îro, Hêzên Ewlekariya Hundirîn (Asayiş) û polîsên leşkerî yên Rûsyayê li şûna hêzên Berevaniya Niştimanî, agirbest ragihandibû û ew agirbest heta dema nîvro bû.

Li gor nûçeya Kurdistan24ê li gor xalake agirbestê her hêzek li kû be, dê xala xwe li wir deyne, lê dema hêzên Asayişê xala xwe li taxa Tey datanîn, endamên Berevaniya Niştimanî êrîşî wan kiribûn û endamekî Asayişê birîndar bû û careke din şer dest pê kiribû.