Serokwezîrê Iraqê pesnê hewlên Nêçîrvan Barzanî yên ji bo lihevkirinê da
Hewlêr (Rûdaw) – Serokwezîrê Irawê Mihemed Şiya Sûdanî rola Serokê Herêma Kurdistanê Nêçîrvan Barzanî ya li hevcivandina aliyan, peywendiyên wî ligel hêz û aliyên siyasî û pêkhateyên Iraqê û hewl û gavên wî yên ji bo yekrêzî û li hevtêgihiştinê bilind nirxandin.
Serokê Herêma Kurdistanê Nêçîrvan Barzanî îro Sêşemê 14ê Adarê li Hewlêrê pêşwazî li Serokwezîrê Iraqê Mihemed Şiya Sûdanî û şanda pê re kir. Di civînekê de, peywendiyên Hewlêr û Bexdayê, dawî pêşhateyên pêşveçûna diyaloga di navbea her du aliyan de gotûbêj kirin û derbarê rewşa niha ya Iraqê û astengiyên li pêşiya wê bîr û re li hev guhertin.
Nêçîrvan Barzanî spasiya Sûdanî kir ji bo temamkirina proseya bi parêzgehkirina Helebceyê û pesendkirina proje yasaya bûdceya sê salên bê ya Iraqê ku li Parlamentoya Iraqê deng li ser bidin.
Barzanî herwiha hemû hevkarî û piştevaniya xwe ji bo Sûdanî û Hikûmeta Federal a Iraqê nîşan da û ew karên ku heta niha di karnameya hikûmetê de cîbicî kirine bi erênî û hêvîbexş bi nav kirin.
Sûdanî jî, ji aliyê xwe ve, rola Nêçîrvan Barzanî ya li hevcivandina aliyan, peywendiyên wî ligel hêz û aliyên siyasî û pêkhateyên Iraqê û hewl û gavên wî yên ji bo yekrêzî û li hevtêgihiştinê bilind nirxandin.
Sudanî tekez kir ku aramî, ewlehî û pêşketina Iraqê û Herêma Kurdistanê jî tê de bi hev re girêdayî ne û bi parêzgehkirina Helebce jî weke xizmeteke biçûk li hember wan tawanên li dijî wî bajarî hatine kirin bi nav kir.
Herdu alî li ser pêwîstî û girîngiya pêkvejiyan û yekrêziya di navbera hêz û pêkhateyên Iraqê de ji bo parastina aramiya siyasî li welat û çareserkirina pirsgirêkên di navbera Hewlêr û Bexdayê li ser bingehê destûrê hemfikir bûn û tekezî li ser girîngiya sektora taybet û rola wê di pêşxistina welat di hemû waran de kirin.
Peywendiyên Iraq û Herêma Kurdistanê ligel welatên cîran û pêşhatên dawî yên navçeyê bi giştî hatin gotûbêjkirin.
Piştî civînê, Nêçîrvan Barzanî û Sûdanî civîneke hevbeş ligel serkirdeyên hêz û aliyên siyasî û nûnerên pêkhateyên olî û etnîkî yên Herêma Kurdistanê pêk anîn û di civînê de li ser rewşa niha ya Iraq û Herêma Kurdistanê nêrînên xwe li hev guhertin.
SA
تُتاح هذه الصورة أيضا في: Kurdî