ب فەرمانا سەرۆکێ حکومەتا هەرێما کوردستانێ، مينحه‌يا دارایی يا هه‌يڤا (7) ب سەر ڕزگاربوويێن ئێزدی دا دێ ئێته دابەش كرن.
خشتەیيێ دابەشکرنا مينحه‌يا دارایی يا (7) يا مەسرور بارزانی، سەرۆکێ حکومەتا هەرێما کوردستانێ، بۆ ڕزگاربوويێن ئێزدی هاته به‌لاڤ كرن.
پڕۆسەیا دابەشکرنا مينحه‌يا دارایى ل رۆژا سێشەمبێ رێکكەڤتى 20ـی چريا ئێكێ 2026 دەست پێ دکه‌ت و هه‌تا رێككه‌ڤتى 23ـی چريا ئێكێ 2026 دێ بەردەوام بت.
دابەشکرنا مينحه‌يێ ل دووڤ ده‌م و جهێ دیاركرى بڤى شێوێ ل خوارێ دێ ب رێڤه‌چت:
رۆژا سێشەمبێ (20ـی چريا ئێكێ 2026): قەزاا شێخان – هۆلا لالش شێخان.
رۆژا چارشەمبێ (21ـی چريا ئێكێ 2026): ناحیەیا خانکێ – هۆلا لالش قه‌سرئێزدين.
رۆژا پێنجشەمبێ (22ـی چريا ئێكێ 2026): کۆمەلگه‌ها دێره‌بوونێ – هۆلا لالش.
رۆژا ئينيێ (23ـی چريا ئێكێ 2026): کۆمەلگەها شاریا – هۆلا لالش1.
پرۆسەیا دابەشکرنا مينحه‌يا دارایى ل هه‌موو رۆژان دا، ل ده‌مژێر 10ـی سبێ دەست پێ دکه‌ت.
مينحه‌يا دارايى ب شێوه‌يه‌كى هه‌يڤانه و بێ كێشه و به‌رده‌وام ب سه‌ر بتر ژ سێ هه‌زار و 500 ڕزگاربوويان ژ هه‌ردو ڕه‌گه‌زان دئێته دابه‌ش كرن.
ب بڕیار و سەرپەرشتيیا سەرۆکێ حكومه‌تا هەرێما کوردستانێ، پڕۆژەیێ پشته‌ڤانييا دارایی و دەروونی بۆ ڕزگاربوویێن ئێزدی ژ دەستێ ڕێکخراوا تیرۆریستیا داعشێ ل ته‌ممووزا 2024 هاتە ڕاگەیاندن و ل هه‌يڤا ته‌باخا هه‌مان سال كه‌ڤته دبياڤێ بجهئينانێ دا.
هەڤدەم سەر فەرمانا سەرۆکێ حكومه‌تێ، وەزارەتێن پەروەردە و هەروەسا خواندنا بلند ئاسانکاریێن تەمام بۆ ڕزگاربوویان کرینە داكو ڤەگەڕنە ناڤ پرۆسەیا خواندنێ، ژ وان ژى بەخشین ژ کرێیا خواندنێ و ڕاگرتنا مەرجێن تەمەنی.
ئەڤ پێنگاڤێن حکومەتا هەرێما کوردستانێ ب مەرەما کێمکرنا نەخۆشی و دەردەسەریێن ڕزگاربوویانە و هاريکاریکرنا وانە بۆ دەستپێکرنا ژیانەکا نوو.
تُتاح هذه الصورة أيضا في: کوردی