Nêçîrvan Barzanî: Bila em hemû rûpeleke nû vekin
Hewlêr (Rûdaw) – Serokê Herêma Kurdistanê bi boneya Cejna Remezanê peyameke pîrozbahiyê belav kir û ragihand, “Bila em hemû rûpeleke nû ya pêkveyî û hevdû qebûlkirinê vekin, heta pêkve bikarin xizmeteke baştir li gel û welatê xwe bikin.”
Serokê Herêma Kurdistanê Nêçîrvan Barzanî Cejna Remezanê “bi germî li tevahiya misilmanên Kurdistan, Iraq û cîhanê, bi taybetî li malbat û kesukarên serbilindên şehîdan” pîroz kir.
Serokê Herêma Kurdistanê hêviya xwe jî derbirî ku Cejna Remezanê “Xêr û xweşî û bextewerî ji bo hemûyan li gel xwe bîne, cejn û bîhnvedaneke aram bi ser bibin û helkeftên xwe yên di paşerojê de di rewşeke baştir û dûrî pejik, nexweşî, qeyran û aloziyan bigêrin.”
Nêçîrvan Barzanî di peyama xwe de dibêje, “Bila em hemû wate û çemkên cejnê li aştevayî û lêborînî û pêkhatina li gel xwe û dewruberê xwe û hemûyan, bikin bingehek ji bo tevger û peywendî û hengavên paşerojê.”
Serokê Herêma Kurdistanê herwiha tekez dike, “Bila em hemû rûpeleke nû ya pêkveyî û hevdû qebûlkirinê vekin, heta pêkve bikarîn xizmeteke baştir li gel û welatê xwe bikin û ber bi paşerojeke baştir, bextewer, aram, parastina zêdetir a maf û azadiyan û yasa û dadgeriyê pêngav biavêjîn.”
Serokê Herêma Kurdistanê Nêçîrvan Barzanî di dewama peyama xwe dibêje, “Bila li navxweya Herêma Kurdistanê û li tevahiya Iraqê em cejnê bikin derfetek ji bo berevajiya yekcariya rûpelên rik û hevdû şikandin û zimanê zibir û bi dil û niyazeke paqij bikin destpêka seretayeke nû ya tebayî û hevbeşî û alîkariya di navbera hemû alî û pêkhatan de ji bo çareserkirina alozî û kêşe û derbaskirina qeyranan û em hemû di asta berpirsiyariya mirovî û niştimaniyê de bin. Cejna we hemûyan pîroz bê, hemû salek bi xweşî.”
تُتاح هذه الصورة أيضا في: Kurdî