Çekdarên DAIŞê xwe rêk dixin
Hewlêr (Rûdaw) – Ev demeke çekdarên DAIŞî bi rêya şaneyên razayî xwe orgenîze dikin û li dijî HSDê û hikûmeta Sûriyê dest bi çalakiyan dikin.
Çalakvanên pispor di warê rêxistinên cîhadî yên îslamî de û Çekdar û fermandarên opozisyona Sûrî ku navê “Artêşa Sûrî ya Azad” dibêjin, serîhildan û geşbûna DAIŞê li rojhilatê Sûriyê bi destê hikûmeta Sûriyê dibe, ku bi hiceta hebûna şaneyên veşartî yên vê rêxistinê hêzên hikûmetê derbasî navçeyên opozisyonê dibin.
Çekdarê opozisyonê Ebû Yezen Şamî dibêje: “Piştî mirina Ebû Bekir Bexdadî, me navê Emîr Ebdulmewla bihîst ku ew bixwe di zindanê de bû, piştre bû serkirdeyê DAIŞê, û şaneyên wan li rojhilatê Sûriyê derketin. Rejîm bixwe şaneyên DAIŞê li rojhilastê Sûriyê çêdike û dest bi êrîşan dike û bi hiceta wan derbasî navçeyeke destnîşankirî dibe, wek min got çawa Emîr Ebdulmewla zindanî bû û hat bû serkirdeyê DAIŞê.”
Herwiha fermandar û çalakvanên ser bi opozisyonê ve dibêjin, hikûmet ji civaka navdewletî û Civata Ewlekariyê re radihgîne ku ew şerê DAIŞê dike, tevî ku Hevpeymaniya Navdewletî DAIŞ li Baxoza Dêrezorê bidawî anî û serkirdeyê wê Bexdadî kuşt, heman fermandar dibêjin, ku armanca hikûmetê bi hiceta DAIŞê tenê pîskirina navê şoreşê ye û şerê opozisyonê ye.
Fermandarê Cebheya Niştîmanî Ebû Mehmûd jî got: “Em li vê derê dijî rejîma Nuseyrî cîhadê dikin, rejîm bi rêya xeyalekî fantazî dixwaze bi navê DAIŞê wêneyê şoreşa Sûriyê xerab bike, herwiha bi hiceta şerê DAIŞê êrîşî gundan dike, tenê bo pîskirina şoreşa Sûriyê ye. Rejîm dixwaze ji cîhanê re bide naskirin ku ew şerê terorê û terorîstan dike, lê terora ku ew li nav zindanan dijî girtiyan dike veşartî ye, bi rêya terora xwe di zindanan de jin û zarokan dikuje û neynûkên mêran radike.”
Ji aliyê xwe ve, Hesen Ebû Heniye pisporê karûbarên rêxistinê cîhadî dibêje: “DAIŞê piştî Baxoz jidest da ragihand ku ew ji şerê kelasîkî derbas bûye şerê xwîrijtin û çetayetiyê, ku li Badiyeya Sûriyê dijî hêzên şerker ên xwecihî wî şerî dike.”
Ebû Heniye, herwiha tekez dike, niha DAIŞ bi rêya grûpên biçûk li navçeyên cuda û bi rêya şaneyên veşartî li bajaran kar dike. Pisporê Urdunî dide xuyakirin, ku niha DAIŞ li bendê ye wê çi li bakurê rojhilatê Sûriyê çêbibe, gelo wê Amerîka vekişe, yan dê Tirkiyê careke din êrîşî hêzên Kurdî bike. Bi nerîna Heniye di dema dawî de êrîşên DAIŞê zêde bûne û ew bi xwe plankirî ne. Di vê derbarê de çavdêrên peywendîdar tekez dikin, ku nebûna çareseriya siyasî ji krîza Sûriyê re dike ku DAIŞ geş bibe.
تُتاح هذه الصورة أيضا في: Kurdî