Serok Barzanî pêşwazî li Macron kir

BasNews – Serok Mesûd Barzanî pêşwazî li serkomarê Fransa Emmanuel Macron û şanda pê re kir.

Îşev piştî ku civîna serkomarê Fransa Emmanuel Macron û serokatiyên Kurdistanê xilas bû, Macron çû serdana Serok Barzanî û ji aliyê wî ve bi germî hat pêşwazîkirin.

Serok Barzanî li ser wê hevdîtinê peyamek belav kir û ragihand, ez bextewer bûm ku min îro li Hewlêrê pêşwazî li Serok Emmanuel Macron kir.

Serok Barzanî her wiha got, me behsa rewşa Iraq û Herêma Kurdistanê kir. Min sûd ji wê derfetê wergirt da ku spasiya dostaniya berdewam ya Fransa bo Kurdistanê bikim ku ti carî ji bîra me naçe.