Ji Dîrokê Bipirsin?!
Bijî bijî kurdistan
Wan pêşmergên qehreman
Li cîhanê deng vedan
Ji pola ye vîna wan
Dilovan û pirr merdin
Ji dozê qet naberdin
Xwedî maf û dîrok in
Ew rêbaza serok in
Şervan û canfîda ne
Ewin neviyê şêran e
Wan sûnd xwarî bi Yezdan
Yan Kurdistan yan neman
Sîngên xwe kirne senger
Ji welat re sernaser
Cnfîda ne bo welat
Xwîna xwe kirne xelat
Kurdistan pirr biha ye
Qelen xwîna kurda ye
Kesên îro bûn sedem
Bûn berpêk û bûn kelem
Îro, nû hûn bûn dilêş!
Bûn rêber û bûn serkêş!
Fedî nekin, netirsin
Ji dîrokê bipirsin..
Keda kê bû ew halan
Ala rengîn kê hildan?
Ev leşker û perleman
Ew kolêc û dibistan
Gerek em jibîr nekin
Em rastiyê kwîr nekin
Kê em xistin rêka rast?
Kî bû mafê me parast?
Bi destan û berxwedan
Kî bû deng da, nav cîhan?
Yê ku bingeh rast danî
Ew bû, nemir BARZANÎ.
Qamişlo, 10.10.2015
تُتاح هذه الصورة أيضا في: Kurdî