حکومەتا ھەرێمێ ژ ئیرانێ و تورکیا خواست تۆپبارانکرنێ راگرن
وار
سەرۆکاتییا حکومەتا ھەرێما کوردستانێ داخواز ژ ھەردو وەلاتێن ئیرانێ و تورکیا کر، تۆپبارانکرنا دەڤەرێن سنۆری یێن ھەرێمێ راوەستینن.
د بەیاننامەیەکێ دا حکومەتا ھەرێما کوردستانێ، دلگرانییا خوە ل ھەمبەری وان تۆپبارانان دەربڕی و داخواز ژ ھەردو وەلاتێن ھەڤسوو، تورکیا و ئیرانێ کر، تۆپبارانکرنا ئاخا ھەرێمێ راگرن.
حکومەتا ھەرێمێ دوپات کر، سیاسەتا وێ د گەل وەلاتێن ھەڤسوو دا یا نەگۆرە و یا پێگیرە ژی ب رێسایێن دوستایەتی و قانوونێن نێڤدەولەتی دا بۆ پاراستنا ئارامییا سنۆرێن وان وەلاتان و ئاشتی و ئارامییا بەردەوام بۆ گەلێ ھەرێمێ و گەلانێن ئیرانێ و تورکیا و دەڤەرێ.
حکومەتا ھەرێما کوردستانێ نەرازیبوونا خوە ل سەر بکارئینانا ئاخ و سنۆرێن ھەرێما کوردستانێ راگەھاند، کو ھندەک ئالییێن ئۆپۆزسیۆنا ئیرانێ و پارتییا کارکەرێن کوردستانێ (پەکەکە)، ئاخا ھەرێمێ بۆ ھێرشکرنێ ل سەر وەلاتێن ھەڤسوو بکا
تُتاح هذه الصورة أيضا في: کوردی