توركیا و ئسرائیل ناكۆكی ب دوماهی ئینان
وار
پشتی چهندین سالێن ناكۆكییان دناڤبهرا ئسرائیل و توركیا دا، ئهنقهره و تل ئهبیب رێككهڤتنهك د ناڤبهرا خوه دا ئیمزاكرن و داوی ب وان ناكۆكییان ئینان، وهزیرێ دهرڤهیێ توركیا ژی دیاردكهت؛ رێككهڤتنا د گهل ئسرائیل، نه پشت گوهـ خستنه كو ستهم ل سهر فلستینییان بهردهوام بیت، ئسرائیل ژی ئاشكرادكهت؛ ئهو دێ ل سهر بهرگریكرن ژ ئسرائیل و وهلاتیێن وێ بهردهوام بیت.
ئهڤرۆ ل رۆمایا پایتهختێ ئیتالییا، ههر ئێك ژ رهجهب تهیب ئهردۆگان، سهرۆككۆمارێ توركیا و بنیامێن نهتهنیاهۆ، رێككهڤتنهك بۆ داوی ئینان ب قهیرنا دناڤبهرا ههر دو وهلاتاندا ئیمزاكر لگۆری رێككهڤتنێ ژی توركیا سێ مهرج ههنه كو جارهكا دی پهیوهندیێن خوه ژ ئالیێ دبلۆماسی، سیاسی، ستراتیژی و ئابۆری و بازگانی ڤه خورت تر بكهت، كو لێبۆرین ژ قوربانیێن كهشتییا مهرمهره بهێتهكرن و ههروهسا بهێنه قهرهبووكرن و هاریكاری ب گههن غهزه و دوورپێچ بهێته راكرن، ل ههمبهر ژی رۆسیا دوپات دكهت؛ بزاڤا حهماسێ نه د چارچۆڤێ رێككهڤتنێ دایه و دڤێت توركیا ههموو دۆسیێن ل دژی سوپایێ ئسرائیلێ تۆماركرین ژ دادگههان ڤهكێشیت.
وهزیرێ دهرڤهیێ توركیا، مهولوود چاویش ئۆغلۆ، راگههاند؛ خۆشكرنا پهیوهندییان د گهل ئسرائیل رامانا وێ یهكێ نادهت، توركیا دێ پشتا خوه دهته ستهم و زۆرییا ل سهر فلستینییان دهێتهكرن، ل ههمبهر ژی وهزیرێ وزا ئسرائیلێ، یۆفال شتاینیتس ئاشكراكر؛ ئسرائیل دێ ل سهر بهرهڤانیكرن ژ خوه و ئسرائیلییان بهردهوام بیت و رێككهڤتنا ئسرائیل و توركیا ب پێنگاڤهك نوو و ههری باش ناڤكر.
ل دهمهكی ئسرائیل و میدیایێن وێ د گهل مهرجێن توركیا نینن، لێ بنیامێن نهتهنیاهۆ ب پێنگاڤهك باش بۆ خۆشكرنا پهوهندییان دبینیت و دوپات دكهت؛ ب رێكێن جودا و دهمهكێ درێژ رێككهڤتن دێ كهڤیته وارێ بجهئینانێ، ههروهسا دوپات دكهت؛ ئهو رێككهڤتن دێ سیاسهتا ئسرائیل و توركیا ل رۆژههلاتا ناڤین باشتر كهت و گوژمێ 21 ملیۆن دۆلارێن ئهمریكی دێ ژ ئالیێ ئسرائیل ڤه وهك قهرهبوو بۆ قوربانیێن هێرشا ئسرائیل بۆ سهر كهشتییا توركی ل مهرمهره هێنه دابینكرن.
رێككهڤتنا توركیا و ئسرائیل ل دهمهكی یه، ناكۆكی و ئالۆزیێن رۆژههلاتا ناڤین جیهان ههموو مژوول كرییه و تا نها ژی چهندین دۆسیێن مهزن یێن مینا داعشێ ل رۆژههلاتا ناڤین ههلاویستی ماینه.
تُتاح هذه الصورة أيضا في: کوردی