١٢ هزار کەس ژبەر ئەشکەنجەیا هێزێن رژێما سوریا جانێ خو ژدەستدانه
ئێن ئارتى
رەوانگەها سوری بۆ مافێ مرۆڤان راگەهاند، ژ دەستپێکا شەرێ نافخویێ سوریا هەیا نها زێدەتر ژ ١٢ هزار کەسان ژبەر ئەشکەنجەیا هێزێن رژێما سوریا جانێ خو ژدەستدانە.
رەوانگەها سوری د راگەهاندنەکێ دا ئاماژە ب وێ ئێکێ کریە، د ناڤبەرا هەیڤا ئادارا ٢٠١١ێ هەیا هەیڤا حوزەیرانا ٢٠١٦ێ نێزیکی ١٢ هزار و ٥٦٩ کەسان ژبەر ئەشکەنجەیا هێزێن رژێما سوریا ڤە جانێ خو ژدەستدانە کو ١٦٣ کەس زارۆکن و ٥٣ێ کەسێن دی ژی ژن بوونە.
هەڤدەم رەوانگەها سوری ئاماژە ب وێ ئێکێ ژی کر، ١٩ کەسێن دی ژی لژێر ئەشکەنجەیا هێزێن ئۆپۆزسیۆنێ و ١٥ کەسێن دی ژی لژێر ئەشکەنجەیا بەرەیا نوسرە جانێ خو ژدەستدانە.
لگۆری راگەهاندنێ، ژ دەسپێکا شەرێ سوریا ڤە هەیا نها ١٨ کەسان ژی لژێر ئەشکەنجەیا پەیەدێ جانێ خو ژدەستدانە.
ژ سالا ٢٠١١ێ ڤە شەرێ نافخویێ سوریا دەستپێکریە و لگۆری هندەک ژێدەران زێدەتر ژ ٢٧٠ هزار کەسان و لگۆری هندەک ژێدەرێن دی زێدەتری ٤٧٠ هزار کەسان ژبەر شەرێ نافخویێ سوریا جانێ خو ژدەستدانە، ئەف ئێک ژبلی ئاوارەبوونا ملیۆنان وەلاتیێن سوری.
تُتاح هذه الصورة أيضا في: کوردی