پۆلیسێن تورکیا: ٢٢ کەس ب تۆمەتا تەقینێن فروکەخانەیا ئەتاتۆرک دەستەسەرکرن
ئێن ئارتى
پۆلیسێن تورکیا راگەهاند، ب تۆمەتا پەیوەندیکرنێ ب تەقینێن فرۆکەخانەیا ئەتاتۆرک ل ئیستەنبۆلێ هەیا نها ٢٢ کەس هاتنە دەستەسەرکرن.
ئاژانسا نووچەیێن ئەنادۆل یا سەر ب حکومەتا تورکیا بەلاڤکریە، تیما پۆلیسێن دژە تیرۆرێ هەوەکا لێگەریان و پشکنینێ ل ١٦ دەڤەرێن ئیستەنبۆلێ و چار دەڤەرێن ئیزمیر ئەنجامدایە و شیانە د وێ لێگەریان و پشکینێ دا ٢٢ کەسان دەستەسەر بکەن.
ژ لایەکێ دی ڤە، ژێدەرەکی ئەمنی راگەهاند، تێ پێشبینی کرن کو دناڤا وان خوکوژان دا کەسەکێ بیانی هەبیت.
هێرشا فروکەخانەیا ئەتاتۆرک ل ئیستەنبۆلێ ب مەزنترین هێرش و تەقین ل تورکیا تێ دانان کو ژبەر وان تەقینان ٤٢ کەس هاتنە کوشتن و ٢٣٨ کەسێن دی ژی بریندار بوونە، هەڤدەم هەیا نها ژی چ کەس و ئالیەکێ بەرپرسیاریا خو ژ وێ هیرشێ رانەگەهاندییە.
تُتاح هذه الصورة أيضا في: کوردی