ل میحوەرێ مەخموور 7 چەكدارێن داعشێ هاتن كوشتن 
رووداو – هەولێر
بەرەبەیانی رۆژی سێشەممە 5-7-2016، لە سنووری میحوەری مەخموور، داعش هێرشیكردە سەر سوپای عێراق و شەڕ دروستبوو. بەگوتەی ئەفسەرێكی كوردی سوپای عێراق، لەپاش دوو كاژێر و 30 خولەك شەڕكردن، هێرشەكەی داعش تێكشكێنراوە، لە شەڕەكەشدا 7 تەرمی چەكدارانی داعش بەجێماون.
رائید ئەمین شێخانی، ئەفسەر لە لیوای 91 ی سوپای عێراق بە (تۆڕی میدیایی رووداو)ی راگەیاند، كاژێر 04:30 خولەكی بەرەبەیانی رۆژی سێشەممە 5-7-2016، لەسنوری میحوەری مەخموور، داعش هێرشیكردە سەر سوپای عێراق.
بەگوتەی شێخانی، دوای دوو كاژێر و نیو شەڕكردن، هێرشەكەی داعش تێكشكێندراوە، داعش زیانێكی زۆری بەركەوتووە و، 7 تەرمیشیان جێماون.
هێرشی داعش بۆ تۆڵەكردنەوەیە لە سوپای عێراق. رۆژی یەكشەممە 3-7-2016، سوپای عێراق لە میحوەری مەخموور، هێرشی بۆ سەر داعش دەستپێكرد و گوندەکانی مەحەلە، حەسریە و کەرامەیان کۆنترۆڵکردەوە و گەیشتنە نزیك پردی گەیارە، لە شەڕەكەشدا 29 تەرمی چەكدارانی داعش كەوتنە دەست سوپای عێراق.
تُتاح هذه الصورة أيضا في: کوردی