وهزیرێ ناڤخوهیێ ئیراقێ دهست ژ كاركێشانا خوه راگههاند
وار
وهزیرێ ناڤخوه یێ ئیراقێ ل سهر پهقینێن ڤێ داویێ یین بهغدا و ب تایبهت ژی پهقینێن ناوچهیا كهراده، دهست ژ كاركێشانا خوه راگههاند.
د راگههاندنهكێ دا، محهمهد سالم غهبان كو ل سهر كوتلهیا بهدر وهزیرێ ناڤخوه بوو دیاركر، ژبهر پهقینێن ڤێ داویێ یین بهغدا و ب تایبهت ژی پهقینێن ناوچهیا كهراده، وی دهست ژ كاركێشانا خوه پێشكێشی حهیدهر عهبادی سهرۆكوهزیرێن ئیراقێ كرییه و داخواز ژ عهبادی كر، ل سهر داخوازا وی رازیببیت.
غهبانی رهخنهیێن دژوار ل حكومهتا ئیراقێ گرتن و راگههاند؛ حكومهت نهشیا چاكسازییان د كهرتێ ئێمناهیێ و ب تایبهت ژی د وهزارهتا ناڤخوه دا بكهت و رێكارێن حكومهتێ د كهرتێ ئێمناهیێ دا، گهلهك د لاوازن.
ئهڤه د دهمهكی دایه، چهند رۆژهكه بهغدا بوویه ئارمانجا سهرهكیا پهقین و كریارێن خوهكوژی یێن تیرۆرستان و ل رۆژا ئێكشهمبیا بۆری ژی، داعشێ د پهقینهكا خویناوی دا، 215 كهس ل ناوچهیا كهراده كوشتبوون و پتری 200 كهسێن دی ژی، برینداركربوون.
تُتاح هذه الصورة أيضا في: کوردی