31 كهسان ل رۆژانێن جهژنێ گیانێ خوه ژ دهست دایه
ئهڤرۆ نیوز:
بهرپرسێ راگههاندنێ ل رێڤهبهریا گشتیا ساخلهمیا پارێزگهها دهۆكێ ئامارا رۆژانێن جهژنێ راگههاند و دا زانین كو 31 كهسان گیانێ خوه ژ دهست دایه.
حهمزه رهزیكی، بهرپرسێ پشكا راگههاندنێ ل رێڤهبهریا گشتیا ساخلهمیا پارێزگهها دهۆكێ بۆ ئهڤرۆ نیوز گۆت: “ل رۆژانێن جهژنێ 15 هزار و 843 كهسان سهرهدانا نهخۆشخانێن پارێزگهها دهۆكێ كریه و 56 نشتهرگهری هاتینه ئهنجام دان و 914 كهس هاتینه نڤاندن و 474 زارۆ ژی ژ دایك بووینه و ژ وان ژی 248 كچ و 226 كوڕ”.
زێدهتر گۆت: “ههر د ڤان سێ رۆژان دا 65 روودانێن جودا هاتینه تۆماركرن كو ژ وان 17 یێن هاتنوچوونێ بووینه و ژنهك و زارۆیهكان تێدا گیانێ خوه ژ دهست دایه، سێ زارۆیان ل نهخۆشخانا هیڤی و دو كهسان ل ئاكرێ و 17 كهسان ل ئازادی و 9 ل كهسان ژی ل زاخۆ گیانێ خوه ژ دهست دایه، سهرجهمێ ڤان كهسان ژی دبیته 31 كهس”.
دا زانین ژی كو تیمێن زێرهڤانیا ساخلهمیێ ژی شیاینه سهرهدانا زێدهتر ژ 200 جهان بكهن و 9 ژ ڤان جهان سزایێ هوشداریێ بدهنێ و پشكنینێ بۆ زێدهتر ژ 608 كهرستان بكهن.
تُتاح هذه الصورة أيضا في: کوردی