دوو خۆل بۆ 40دەرچوویێن کولیژ و پەیمانگەهان هاتن ڤه‌كرن
تۆرا لالش يا راگه‌هاندنێ
بنگەهێ لالش تایێ شاریا و ب هەڤکاری دگەل رێکخراوا EDGE یا ئەمریکی ـ سەنتەرێ ( پەناگەه) ، ل رێکەفتی 18/7/2016،رابوون ب ڤەکرنا دوو خۆلێن ( فێرکرنا زمانێ ئنگلیزی و کۆمپیوتەری ) بۆ 40 دەرچوویێن کولیژ و پەیمانگەهان ژ ئاوارا و خەلکێ كۆمه‌لگه‌ها شاریا، ئەڤ خۆلە دێ بۆ ماوێ دوو هەیڤا بەردەوام بن.
خۆلا زمانێ ئنگلیزی ژلایێ مامۆستا “سامی سه‌لیم” و خۆلا کۆمپیوتەری ژلایێ مامۆستا”عه‌بدو سلێمان” ڤە دئێنە گۆتن و ئەڤ خۆلە ژلایێ کارگێریڤە ب سەرپەرشتیا مامۆستا “ژێهات قادر”دئێنە برێڤەبرن.
هەر دڤەکرنا ڤان خؤلاندا “زیرەک حه‌مید” رێڤەبەرێ پرۆگرامێن پەروەردەیی ل رێکخراوا ناڤبری بەحسێ چاوانیا دەستپێکرنا خۆلێ کر و سوپاسیا بنگەهێ لالش تایێ شاریا کر،ژبۆ هەڤکاریا وان دگەل سەنتەرێ پەناگەه.
ژلایەکی دیڤە “دلگەش سه‌لیم شه‌مو” بەرپرسێ بنگەهێ لالش تایێ شاریا بخێرهاتنا بەشداربوویێن هەردوو خۆلا کر و سوپاسیا سەنتەرێ پەناگەه کر،ژبۆ هەڤکاریا وان یا بەردەوام دگەل بنگەهێ لالش تایێ شاریا، هەروەسان سوپاسیا ستافێ برێڤەبرنا خۆلێ کر کو رابووینە ئەرکێ رێڤەبرنا ڤێ خۆلێ.
بۆ زانین ئەڤ خۆلە ل هۆلێن سەنتەرێ پەناگەه دئێنە گۆتن.
تُتاح هذه الصورة أيضا في: کوردی