دهۆك: خرڤهبوونهك نهرازیبوونێ دێ هێته ئهنجام دان
دواڕۆژ:
ئهڤرۆ، سێشهمبی 26-ێ تهموز، هونهرمهندێن دهۆك دێ خرڤهبوونهكا نهرازیبوونێ بهرامبهر راگرتنا فلمه فهستیڤالا دهۆك یا نێڤدهولهتی ل بهرامبهر ئاڤاهیێ سهندیكا هونهرمهندێن كوردستانێ لقێ دهۆك، ئهنجام دهن و داخواز ژ خهلكێ دهۆك ژی كریه پشتهڤانیا وان بكهن و دگهل وان ئامادهبن.
كاڤهرڤهدانێن ئهنجام نهدانا فلمه فهستیڤالا چوارێ ل دهۆك بهردهوامن دوهی ژی سهرۆكێ فلمه فهستیڤالێ ئهیوب رهمهزان، دهست ژ سهرۆكایهتیا فهستیڤالێ بهردابوو.
لدۆر ههمان مژار سینهماكاران ژی بۆچوونێن خوه بۆ دواڕۆژ ئینان زمان؛ دهرهێنهرێ كورد كامێران بێستاسی، بۆ دواڕۆژ گۆت” ئهنجام نهدانا فلمه فهستیڤالا دهۆك یا چوارێ رێز نهگرتنه ل خهباتا پێشمهرگهیان، چنكو ب خهباتا پێشمهرگهیان ئارامی ل دهۆك چێبوویه و 40 وهلاتان خواست بوو پشكداری فلمه فهستیڤالا دهۆك ببن”.
گۆت ژی” فلمه فهستیڤالا دهۆك پشتی فهستیڤالا دوبهی باشترین بوو و گهلهك هونهرمهندو سینهماكارێن جیهانێ لێ ئامادهدبوون، لهورا ههر كارڤهدانهكا هونهرمهندێن دهۆك ههبیت دێ دگهل وان بم”.
هونهرمهند قهدری شێرۆ، سهرۆكێ بهرێ یێ ناڤهندا فلم سازان ل دهۆك بۆ دواڕۆژ گۆت” یێن نهڤیان فلمه فهستیڤالا چوارێ ل دهۆك بهێته ئهنجامدان ئهو بوون یێن حهز ژ دهۆك نهكرین، چنكو فلمه فهتسیڤالا دهۆك خزمهتهكا مهزن بۆ وارێ سینهمایێ و فلم سازێن كوردستانێ كریه و ناسكرنهكا باش بۆ هونهرمهندێن دهرڤهی دهۆك ژی چێكربوو”.
لدۆر ئاستێ هونهرمهند و سینهماكارێن دهۆك ژی ناڤبۆری خوهیاكر؛ ههركهسێ بێژیت هونهرمهندێن دهۆك نه ل ئاستێ پێدڤی و ئهنجامدانا فهستیڤالهكا ب ڤی رهنگینه ئهو غهدرهكا مهزن بهرامبهر هونهرمهندێن دهۆك ئهنجام ددهن، چنكو هونهرمهندێن دهۆك ب ئیمكانیات و هاریكاریێن كێم، زێدهتر خزمهتا هونهرێ سینهما كوردی بكهن گرۆڤهژی بۆ ڤێ چهندێ ئهڤهیه كو ئهو خهلاتن یێن هونهرمهندێن دهۆك ب دهستڤه ئیناین.
گۆت ژی” فلمه فهستیڤالا دهۆك نهبهس یا هونهرمهندانه، یا ههموو خهلكێ دهۆكه و ئهگهر ب سهدهمێ قهیرانا داریی هاتبیت راوهستاندن و حكومهتێ شیان نهبن پارێ پێدڤی بۆ فهستیڤالێ خهرج بكهن، ئهز یێ ئامادهمه مال ب مال بگهرم و پارێ پێدڤی بۆ فهستیڤالێ كۆم بكهم، و پێدڤییه خهلكێ دهۆك ژی ركابهریا حكومهتێ بكهن و ل فهستیڤالا خوه خودان دهركهڤن و هاریكاریا فهستیڤالێ بكهن، چنكو ئهگهر فلمه فهستیڤال ژ دهۆك چو، دێ گهلهك تشتێن دی ژی ل پاشهڕۆژێ ژ دهست دهۆكیان دهركهڤن”.
تُتاح هذه الصورة أيضا في: کوردی