میلبۆرن و دیمهشق باشترین و خرابترین باژارن بۆ ژیارێ
وار
بۆ سالا شهشێ ل دووڤ ئێك باژارێ میلبۆرن یێ ئۆسترالی شیا رێزێ ئێكی ب پارێزت وهك باشترین باژار بۆ ژیارێ، د ههمبهر دا دیمهشق یا پایتهختێ سوورییێ خرابترینه بۆ ژیارێ.
ل گۆر پیڤهركرنهكا یهكهیا ههوالگیری و ئابۆری یا سهر ب ئیكۆنهمێست ڤه بهلاڤكرییه: باژارێ میلبۆرن یێ ئۆسترالی ب باشترین باژار بۆ ژیارێ هاتیه پۆلینكرن و رێزا 97.7 % ب دهست خستییه و دووڤ دا ههر ئێك ژ باژارێن ڤییهنا یا پایتهختێ نهمسا و فانكۆڤهر یا كهنهدی، ل رێزێن دوێ و سیێ هاتینه.
سهبارهت خراپترین باژار ژی بۆ ژیارێ ل گۆر پیڤهركرنا ناڤبری ئاشكهرا كرییه: ژ بهر رێژهیا ههژاریێ و كێشهیێن سیاسی و شهرێن نافخوه ههر باژارێ دیمهشق یێ پایتهختێ سوورییێ وهك خراپترین باژار بۆ ژیارێ هاتیه پۆلینكرن و رێژهیا 30.2 ب دهست خستییه، ههر ئێك ژ باژارێن تهرابلۆس یا پایتهختێ لیبیا و لاگۆس یا پایتهختێ نیجیریا ل رێزێن دوێ و سیێ هاتینه.
پیڤهركرنا ناڤبری پشت بهستن ل سهر چهندین بنهمایان كریه ژ وانا، جێهگریا رهوشا ئهمنی و چاڤدێریا نۆشداری و رهوشهنبیری و ژینگههـ، خواندن و ژێرخانهیا ئابۆری.
تُتاح هذه الصورة أيضا في: کوردی