ئاگههدارى مەترسیێن تەبریدا ترومبێلێ بن
رووداو-DPA
دەستەی ئەڵمانی بۆ كواڵیتی خزمەتگوزارییەكان هۆشداری دەدات لە ئاراستەكردنی هەوای تەبریدی ئۆتۆمۆبیل بەرەو رووكاری جەستە بەگشتی و روخسار بەتایبەتی. چونكە رێگە خۆشدەكات بۆ هەوكردنی چاو.
هەروەها ئەگەر جیاوازییەكی زۆر لەنێوان پلەی گەرمی دەرەوە و ناوەوەی ئۆتۆمۆبیلەكە هەبوو، ئەوە گرفت درووستدەكات بۆ سووڕی خوێن.
شارەزا ئەڵمانەكان دەڵێن نابێ جیاوازی پلەی گەرمی ناوەوە و دەرەوەی ئوتومبیل لە هەشت پلە زۆرتربێ، بۆ نموونە ئەگەر پلەی گەرمی دەرەوە 30 پلە بوو، ئەوە لە ناوەوە نابێ لە 22 كەمتربێو چونكە سووڕی خوێن دەشێوێنێ.
بەڵام بۆ ئەو كات و شوێنانەی پلەی گەرمیی دەرەوە دەگاتە 40 و زۆرتر، ئەوە دەكرێ جیاوازییەكە لەوە زۆرتربێ. نەك هەر ئەوە، بەڵكو نابێ رێگە بدرێ پلەی گەرمیی نێو ئوتومبیل بگاتە سەروو 27 پلە، چونكە توێژینەوەكان سەلماندوویانە لە پلەی 27 و بەرزتردا لەنێو ئوتومبیل، جەستەی مرۆڤ تووشی داهێزران و ماندووێتی دەبێ و مەترسی كەمبوونەوەی توانای سەرنجدان زۆر دەبێت و ئەگەری روودانی كارەساتی ئوتومبیل زیاددەكات.
تُتاح هذه الصورة أيضا في: کوردی