هژدە سالە موزیكێ دژەنت 
تۆرا لالش یا راگەهاندنێ/سالار فائز/ئەلمانیا
هۆنەرمەندێ بەهرەمەند ومامۆستایێ موزیك ژەن “ئیڤان عادل” سەبارەت هۆنەرێ خۆ دیاركر:”ژیێ من یازدە سال بوون من موزیك ژەنی و ئەڤە بوو نێزیكی هژدە سالا موزیكێ دژەنم تایبەت ئامێرین وەتەری و هەروەسا ۆرگێ و پیانۆیێ ژی.
زێدەتر گۆت:”ژ زارۆكینیا خۆ من ستران گۆتینە و ستران گۆتن بۆ من بوو پالدەر موزیكێ بژەنم،تایبەت پشتی من موزیكا بابێ خۆ دیتی و من خووندنا خۆ یا موزیكێ ل مووسلێ تەمام كریە و دەرچوویێ پەیمانگەها هۆنەرێن جوانم و پێنچ سالا من موزیك خووندیە”.
ئەو ژی ئاشكەراكر:”سترانێن من یێن گەلەك كەسانە،ئێك ژ وان بایێ من ب خۆ (عادل عەبۆ،ئبراهیم،شنگالی،حەجی قەیرانی ،بشار ختو،خدر شاقولی،عدنان شێخ،ساهر باعەدری) و هندەك ژێ یێن من بخونە،هەتا نۆكە من دوو كلیپ و دوو ئەلبوم هەنە و ئەلبومەكێ من ل 2009ێ و بوو یێ دی ل 2013ێ بوو،هەروەسا گەلەك كەسا هاریكاریا من كریە ل رێبازا من یا هۆنەری تایبەت بابێ من،ژبەركو ئەو ب خۆ گەلەك ئامێرا دژەنت وهەروەسا “حسێن باعەدری” پشتەڤانێ هۆنەرێ كوردییە هەردەم وی ژی هاریكاریا من كریە”.
دەربارەی كارەساتا شنگالێ ژی گۆت:” كارەساتا شنگالێ گەلەك كارتێكرنا خۆ ل هۆنەرێ كر ب گشتی و هێلا بتر سترانێن گرێدایی ب وەلاتی بێنە گۆتن و سترانێن بخەم و كۆڤان بتر ژ یێن ئەڤینیێ”.
ل داویێ ژی گۆت:”ئارمانجا من ژ هۆنەری ئەوە خزمەتەكێ پێشكەش كەم و نە بازرگانیێ ب هۆنەری بكەم ،ئانكو ئارمانجا من نەمادیە،دیسان هۆنەرەكێ پاقژ و راست نیشا خەلكێ بدەم و پلانا من بۆ پاشەرۆژێ ڤەكرنا ستودیویەكێ یە ل وەلاتێ ئەلمانیا”.
تُتاح هذه الصورة أيضا في: کوردی