پەنابەرەكێ ئێزدی ل ئەلمانیا داخوازا هاریكاریێ دكت
تۆرا لالش یا راگەهاندنێ
پەنابەرێ ئێزدی(حسێن سالح ئەلقیرانی)خەلكێ قەزا شنگالێ یە،ل دەمێ قەستا وەلاتێ ئەلمانیا كری دگەل خێزانا خۆ،دوو زارۆكێن وی ددەریایا ئیجەدە گیانێ خۆ ژ دەست دان،پشتی بەلەما وان بن ئاڤ بووی،ئەڤە ماوێ هەشت هەیڤایە ل ئەلمانیا ئاكنجی دوو دادگەه كرینە،بەری هەفتیەكێ رەتكرن بۆ را هاتیە و داخوازا هاریكاریا مادی دكت.
ئەلقیرانی بۆ رۆژناما دەنگێ لالش دیارك:”پشتی من زانی گوندێ مە یێ هاتیە تالانكرن،بێ هیڤی بووم ژ شنگالێ،لەوان من بەرێ خۆدا رێیا كۆچبەریێ و ب رێیا قاچاخ و ب بەلەمەكێ ددەریایبا ئیجەدە من هەول دا دەربازبین و بەرەف وەلاتێ ئەلمانیا بچین،لێ بەلەما مە بن ئاڤ بوو و دگەل 9 ئەندامێن خێزانا خۆ و چەند كەسێن دیتر كەفتینە دئاڤێ دا و بۆ ماوێ چەند دەمژمێران تێدا ماین پشتی،هنگێ پولیسێن توركیا ب هاوارا مە هاتن و دوو زارۆكێن من ل نەخۆشخانەكا توركیا گیانێ خۆ ژ دەست دان،دیسان مە بەرێ خۆ دا چوونێ ڤە هەتا گەهشتینە ئەلمانیا و گۆت:”ئەڤ ماوێ هەشت هەیڤایە ل ئەلمانیا ئاكنجی پشتی دوو دادگەه كرین بەری هەفتیەكێ رەتكرن بۆ مە هات و ژئالیێ مادی ڤە لاوازین و داخوازا دەستێ هاریكاریێ دكەین،داكو بكارین ڤێ چەندێ چارەسەر بكەین”.
تُتاح هذه الصورة أيضا في: کوردی