ئەمریکا: ھەر ٢٥ چرکەیان کەسەک ل سەر ماددەیێن ھۆشبەر دھێتە گرتن

ئەمریکا: ھەر ٢٥ چرکەیان کەسەک ل سەر ماددەیێن ھۆشبەر دھێتە گرتن

waar – دهوك :

پۆلیسێن ئەمریکا راگەھاند؛ د ھەر بیست و پێنج چرکەیان دا کەسەک ل ئەمریکا ل سەر ماددەیێن ھۆشبەر دھێتە دەستەسەرکرن، سالانە ملیۆنەک و دوسەد و پێنجی ھزار کەس ژبەر وێ یەکێ دھێنە زیندان کرن.

رێکخستنا چاڤدێریا مافێن مرۆڤی و ئێکەتییا ئازادیێن سڤیل ل ئەمریکا، ل دۆر قانوونا ھەلگرتنا ماددەیێن ھۆشبەر، راپۆرتا خوە یا سالانە بەلاڤ کر.
ل گۆری وێ راپۆرتێ، ھەر بیست و پێنج چرکەیان کەسەک ب تۆمەتا ھەلگرتنا ماددەیێن ھۆشبەر ژ ئالییێ پۆلیسان ڤە دھێتە گرتن.

ھەر ل گۆری وێ راپۆرتێ، سالانە ملیۆنەک و دوسەد و پێنجی ھزار کەس ب وێ تۆمەتێ دھێنە زیندان کرن، رۆژانە ژی سەد و سیھـ و حەفت ھزار کەس ب تۆمەتا ھەلگرتنا وان ماددەیان دھێنە سزادان.

ئاشکرا ژی کر؛ ھندەک جھێن ئەمریکا ھەلگرتنا ماددەیێن ھۆشبەر قەدەغە نینە و ل ھندەک جھێن دی قەدەغەیە، سالا ٢٠١٥ێ ژی پۆلیسان پێنجسەد و چل و حەفت ھزار کەس ب تۆمەتا ھەلگرتنا ماددەیێن ھۆشبەر دەستەسەرکرینە.

تُتاح هذه الصورة أيضا في: کوردی