میرێن ئێزدیان: پێشمەرگەی خۆ ل هەموو ئایینێن كوردستانێ كریە خودان
باسنيۆز:
كەساتیەكی ژ بنەمالا میرێن ئێزدیان دیاركر هەموو دەڤەرێن كوردێن ئێزدی سەر دەستێن پێشمەرگەی هاتنە رزگاركرن،دەمێ ئێزدی ڤەدگەرینە سەر مالێن خوە پێدڤیە پاراستنا ئێزدیان ژلایێ هێزێن پێشمەرگەی كوردستانێ ڤە بیت نە چ هێزێن دی، چونكو پێشمەرگەی ئێك ژ وان هێزایە خوە ل هەموو ئایینێن كوردستانێ كریە خودان.
میر داسن فاروق بەگ، ژ بنەمالا میرێن ئێزدیان بۆ (باسنیوز) دیاركر ب چ شێوەیان قەبیل ناكەین بەغدا دەست وەردانێ دەڤەرێن ئێزدیاندا بكەت چونكو ل دەمی ئاوارەبوونی بتنی حكومەتا هەرێما كوردستانێ خوە ل ئێزدیان كریە خودان، بەغدا چوو هاریكاری بۆ ئاینێ ئێزدیان نەكریە نوكە شنگال و باشیك و سنوون و خانەسوری و سیبا شیخدر و تەلەعەزیر و هەموو دەڤەرێن دێ كوردستانیە، سەرۆك بارزانی گرنگیەكا مەزن هەموو پێكهاتێن ئاینی دایە ل هەموو دونیایێ، پەیامە جەنابی بارزانی ل باشیك و بەحزانی گرنگیەكا مەزن بۆ هەموو پیكهاتێن وی دەڤەری هەیە دێ بیتە ئەگەر پێكڤە ژیان و لیبۆرینا ئاینی خورتر بیت ل باشیك و بەحزانی.
تُتاح هذه الصورة أيضا في: کوردی