موبايل ل 2050 چی ب سەر دا دئێت
وشه
رەنگە زۆرێك وای بۆ بچن كە هاندە زیرەكەكانی ئایفۆن و گەلاكسی و ئێكسپێریا و هیتریش گەیشتوونەتە تۆپی پێشكەوتنی تەكنۆلۆجی، بەڵام ئەوان لە 2050 چیان بەسەر دێت؟، سەنتەرەكانی توێژینەوە و حكوومەتەكانی دنیا ئەو ساڵەیان دیاری كردووە بۆ راگەیاندنی پێشبینییەكان وەك ئاماژەیەك بۆ ئەوەی لەو ساڵەدا لە دنیایەكی تەواو جیاوازدا دەژین.
بۆ نموونە نەتەوە یەكگرتووەكان پێشبینی دەكات كە لەو ساڵەدا ژمارەی دانیشتوانی دنیا بگاتە 9.6 ملیار كەس، بۆیە لە رووی تەكنۆلۆجیاشەوە دنیاكە دەگۆڕێت، بۆ نموونە هاندە زیرەكەكان دەبنە ئەنگوستیلەیەك لە پەنجەكانەوە.
توێژەران پێیان وایە كە هاندە زیرەكەكان كە ئێستە هەن پێویستیان بە شۆڕشێكی تەكنۆلۆجییە بۆ دواڕۆژ، بۆیە پێشبینی دەكرێت كە ئەوان ببنە خاوەن شاشەیەكی نوشتاوە و هاندەكە ببێتە هاوشێوەی بازنێك یان سعاتێكی زیرەك یان ئەنگوستیلەیەكی زیرەك.
ئەوان دەڵێن كە ژیانی مایەكی و دیجیتاڵی مرۆڤ یەك دەخرێت و رەنگە هاندەكان ببنە چاویلەكەیەكی زیرەك یان هاوێنەیەكی زیرەك لەناو چاو كە بتوانی بەهۆیەوە پێوەندی تەلەفۆنی بكەیت و ئینتەرنێتَكی سێ رەهەندی بەكار بێنیت و ئەو چاودێری تەندروستیت بكات.
رەنگە زۆرێك وا بزانن كە كۆنترۆلكردنی هاندی زیرەك لە رێگەی مێشكەوە تەنیا خەونێكە یان خەیاڵكی زانستییە تەنیا لە فیلمەكان دەیبینین، بەڵام لە دیدێكی دواڕۆژانەدا زۆرێك لەوانە دەبنە راستی بەرجەستەكراو.
هەروەها چەند توێژینەوەیەك باسی تەكنیكی “BCI” دەكەن بەمانای بەستنەوەی مێشك و كۆمپیۆتەر كە دەتوانرێت لەو رێگەوە كۆنترۆلی هاندی زیرەك بكرێت لە رێگەی پارچەیەكی بچووك لە گوێچكەوە دادەنرێت و كار بۆ گۆڕینی ئاماژەكانی دەمار بۆ فەرمان دەكات و دەتوانرێت كۆنترۆلی تەلەفزیۆن و ئامێرە ئەلیكترۆنییەكان و كارەبایی هەر ئامێرێكی تری بەستراو بە هاندی زیرەك بكرێت.
سەرچاوە: سۆمەرییە نیوز
تُتاح هذه الصورة أيضا في: کوردی