كلیپەك ل سەر مێرخاس و شەرڤانێن ژنێن ئێزدی هاتە چێكرن
تۆرا لالش یا راگەهاندنێ
كلیپەك ل سەر مێرخاس و شەرڤانێن ژنێن ئێزدی یێن ل كارەساتا شنگال ل رێككەفتی(3/8/2014)ل چیایی بەرگری ژ خەلكێ شنگالێ كرین هاتە چێكرن،كو ل كەنالێن راگەهاندنێ دێ ئێتە پەخشكرن.
هۆنەرمەند “خالد ئێزدی”دكورتە دیدارەكێ دا بۆ رۆژناما دەنگێ لالش گۆت:”من و هۆنەرمەند (رەنا سلێمان) كلیپەك بناڤێ(رابن سەرخۆ گەلی مێرا) دروستكریە و ئەو كلیپ نۆكە یا ل كەنالێن راگەهاندنێ ل بەندا پەخشكرنێ یە،ناڤەرۆكا وێ ل سەر وان مێرخاس و شەرڤانێن ژن یێن ل كارەساتا شنگال ل رێككەفتی(3/8/2014)ل چیایێ شنگالێ ئاسێ ماین و بەرگری ژ خەلكێ شنگالێ كرین یە،دیسان تێدا بەحسێ خۆراگریا ژنا ئێزدی د كارەساتێ دا هاتیەكرن،كو مل ب ملێ زەلامی تڤەنگ هەلگرتیە و بەرگری كریە”.
گۆتژی كلیپ ژ پەیڤ و ئاوازێن هۆنەرمەند(دەخیل ئوسمان)نە و ل ستودیۆیا (غەمگین قامشلو) ل باژێرێ دهۆكێ ل كەمپا دۆمیز هاتیە دروستكرن و”عەلی غەمگین”ب كارێ دابەشكرنا مۆزیكێ رابوویە و ژ دەرهێنانا دەرهێنەر “فارس مشكۆ”یە و ل كۆمەلگەها خانكێ و ل جەم مەزارگەهێ (مەمێ شڤان) كلیپ هاتیە وێنەكرن.
تُتاح هذه الصورة أيضا في: کوردی