ھێمن ھەورامی: دڤێت پەکەکە شنگالێ جوول بکەت
waar – دهوك :
بەرپرسێ پەیوەندییێن دەرڤە یێن پارتییا دیمۆکراتا کوردستانێ، راگەھاند؛ پێدڤییە پارتییا کارکەرێن کوردستانێ پەکەکە، شنگالێ چوول بکەت و ژ وێ دەڤەرێ دەر بکەڤیت.
ھێمن ھەورامی ل دۆر ھەبوونا گەریلایێن پەکەکێ ل شنگالێ بۆ رۆژنامەیێن تورکی ئاشکرا کر؛ دەمێ داعشێ ھێرش کریە سەر شنگالێ، پەیەدە ل سەر سنۆرێ سووریێ بوو و رێیەک ڤەکر بوو، ھەر جھەکێ ڤالاتی بکەڤیتێ پەکەکە بکاردئینیت، ئەو یەک ژی ل قەندیلی و دەڤەرێن دی کرییە.
ھەورامی گۆت ژی؛ دەمێ پەکەکێ دژی داعشێ شەر کری سوپاسییا وان ھاتە کرن، لێ پشتی پێشمەرگەی شنگال رزگار کری خوە ل وێرێ بنەجھکریە، رزگارکرنا شنگالێ ژی پێدڤی ب ھەبوونا پەکەکێ نەبوو.
بەرپرسێ پەیوەندییێن دەرڤە یێن پارتی گۆت ژی؛ دەمێ پێشمەرگە د ھانا کۆبانێ چووی و رزگار کری، چو دەمان داخواز بەھرا خوە ژ کۆبانێ نەکر، پەکەکێ ژی چو پەیوەندی ب ئاخا ھەرێما کوردستانێ ڤە نینە، لەورا پێدڤییە پەکەکە ده‌ڤه‌رێن هه‌رێمێ بجھـ بھێلیت.
تُتاح هذه الصورة أيضا في: کوردی