شنگال.. میكانزمەك بۆ باشكرنا چارەنڤیسێ شنگالیان دێ هێتە دانان
باسنيۆز:
سەرۆكێ جڤاتا قەزا شنگال دیاركر بریارا سوبەهی 17/1/2017 هەموو دام و دەزگەهێن شنگال دگەل قائیمقامی و جڤاتا شنگال میكانزمەكێ ل سەر چارەنڤیسێ شنگالیان ئەو زێدەگاڤیێن ل سەر مافێن وەلاتیان دهێنە كرن و نە ڤەگەراندنا ئاواران بكەن.
وەیسی نایف، سەرۆكێ جڤاتا قەزا شنگال بۆ (باسنیوز) دیاركرهەر تشتەكێ بەرژوەندیا خەلكێ شنگال دا بیت سوبەهی( 17/1 )دێ ئێدارا شنگال بریارێ ل سەر دەت بتایبەتی خزمەتگوزاریان و ڤەگەرندنا ئاواران بۆ سەر مال ومولكێن خوە، چونكو گەلەك نەمایە دێ مووسل ژێ هێتە رزگاركرن و مەترسیا تیرۆرستێن داعشێ نامینت. ئەم دێ میكانزمەكێ پێكڤە دانن بۆ چارەنڤیسێ شنگالیان، ئەگەرین نە ڤەگەراندنا ئاوارێن شنگال دێ هێتە گەنگەشەكرن. دێ كاركەین میكانزمەك بهێتە دانان دەمێ شنگالی ڤەدگەرن سەر مال ومولكێن خوە، مەترسیی ل سەر ژیانا وان نەبیت.
خۆیا ژی كر هەتا نۆكە پتر ژ 8 هزار ئاوارێن شنگال یێن ڤەگەریاینە دەڤەرێ. ئەم دێ پلانەكا باش دانن بۆ خزمەتگوزاریان. ئەم د وێ باوەری داینە شنگال وەكو شنگالیان بڤێت دێ هێتە ئاڤادانكرن ژلایێ حكومەتا هەرێما كوردستانێڤە.
تُتاح هذه الصورة أيضا في: کوردی