ب هەلبەستێ ئێش و ئازارێن مللەتێ خۆ دیاردكت
تۆرا لالش یا راگەهاندنێ
هەلەبەستڤانێ شنگالێ “باسم قاسم” دیاركر دكت كو دەمێ رێكخراوا تیرۆرستیا (داعش)دەست ب سەر شنگال دا گرتی هەموو هەلبەستێن من ژناڤبرن،لێ من هەر دەست ژ نڤیسینا هۆزانێ بەرنەدا و دبێژت ژی ب هەلبەستێ ئێش و ئازارێن مللەتێ خۆ دیاردكەم بۆ مرۆڤایەتیێ،هەلبەسڤانان ژی دكارت ب پەیڤێن خۆ بەرەڤانیێ ژ وەلات و مرۆڤایەتیێ بكت.
هەلبەستڤان”باسم قاسم” ل كەمپا(كەبەرتوو2) ئاكنجیە و بۆ رۆژناما دەنگێ لالش گۆت:”ل سالا(2012)ێ من دەست ب ڤەهاندنا هۆزانێ كریە و ئێكەم هۆزان من نڤیسی بناڤێ(ئەم بێ وار مان)بوو دەربرین ژ كارەساتا(سیبا شێخ خدر و گرعزێر)ێ دكر،بتنێ ل سەر شێوازێ قۆناغا ئازاد هەلبەستێ دنڤیسم و هۆزانێن من ل سەر (ئەڤینی،وەلات،قارەمانیا پێشمەرگەیی و كارەساتا شنگالێ)نە و ب هەلبەستێ ئەز ئێش و ئازارێن مللەتێ خۆ دیاردكەم بۆ مرۆڤایەتیێ و هەلبەستڤان ژی دكارت ب پەیڤێن خۆ بەرەڤانیێ ژ وەلات و مرۆڤایەتیێ بكت و گۆت: بەری كارەساتا شنگالێ خودان 30هەلبەست بووم ،لێ دەمێ رێكخراوا تیرۆرستیا (داعش)دەست ب سەر شنگال دا گرتی هەموو هەلبەستێن من ژناڤبرن،لێ من هەر دەست ژ نڤیسینا هۆزانێ بەرنەدا و نۆكە من15هەلبەست نڤیسینە”.
قاسم دیاركرژی ئەگەر هۆزانڤان ب هەموو دەڤوكێن كوردی هەلبەستێ بنڤیست باشترە،ژبەركو پتر دێ كارت نامەیا خۆ بگەهینت هەر دەڤەرەكێ و بتنێ ب زمانێ كوردی هەلبەستێ دنڤیسم ،هەروەسا دناڤ وێژەَییی دا بتنێ كارێ هەلبەستێ دكەم،ژبەركو هەلبەست بنیاتا ئەدەبی یە،ژبلی هەلبەستێ چەند جارەكێن كێم پشكداربوویمە وەك ئەكتەر د شانۆگەریان دا،لێ وەكی هەلبەستێ سەركەفتی نەبوویمە ومالبات و هەڤالێن من پشتەڤانن،لێ هەردەم ئامۆژگاریا ل من دكن كو نەهەر روودانەكا دروست ببت ل دەڤەرێ بكەیە هەلبەست.
ئەو چەندە ژی ئاشكەراكر:” ل سالا (2014)من دەست ب تۆماركرنا هۆزانەكێ كر بناڤێ(هاتم پێشمەرگەمە) و ناڤەرۆكا وێ لسەر (قارەمانیا پێشمەرگەیی)بوو،لێ مخابن رێكخراوا تیرۆرستیا (داعش)شنگال داگیركر و نەهاتە تۆماركرن،ئەڤە دوو سالن من هۆزانەك نڤیسیە بناڤێ(زیندانا مرنێ) ل سەر كچێن كەفتینە د دەستێ داعشێ دا،لێ ژبەركو هیچ كەسەكی ژ ئالیێ مادی هاریكاریا من نەكر،من نكاری بكەمە كلیپ”.
تُتاح هذه الصورة أيضا في: کوردی